İslami tarix və hədis kitablarına görə Zülfəqar adlı qılıncı Həzrət Məhəmməd peyğəmbərə (s) Allahın müqərrəb mələyi Həzrət Cəbrayıl (ə) gətirmişdir. Ühüd döyüşündə "hörmətli səhabələr" peyğəmbəri (s) tək qoyub qaçdıqları zaman İmam Əli (ə) başda olmaqla iki-üç nəfər qalıb, O həzrəti (s) müdafiə edirdilər ki, İmam Əli (ə) irəli gələn hər kəsi cəhənnəmə vasil edirdi. Bu zaman İmam Əlinin (ə) qılıncı sındı və peyğəmbər (s) öz qılıncı zülfüqarı İmam Əliyə (ə) hədiyyə etdi. İmam (ə) yenə də döyüşünə davam etdi. İmam Əlinin (ə) bu döyüşdə göstərdiyi fədailik və rəşadət göydə mələkləri vəcdə və şövgə gətirdiyi üçün Cəbrayıl yerlə göy arasında durub hamının eşidə biləcəyi bir uca səslə belə dedi: "La Seyfə İlla Zülfəqar və La Fəta İlla Əli" – Zülfüqardan başqa qılınc və Əlidən başqa igid yoxdur!"

İmam Əli (ə) Siffeyn döyüşündə Müaviyənin qoşunu qarşısında öz silahdaşları üçün xütbə oxuyarkən buna işarə etmişdir (Vəq`ətu Siffeyn, Nəsr bin Müzahim, s. 313 və 478): "... Siz başçısı münafiq oğlu münafiq (yəni Müaviyə) olan bir qoşunun qarşısında dayanmısınız. O (Müaviyə) öz qoşununu cəhənnəm oduna aparır. Amma Peyğəmbərinizin əmisi oğlu (İmam Əli) sizin aranızdadır və sizi cənnətə və Allahın itaətinə dəvət edir. O (İmam Əli), peyğəmbərin (s) sünnətinə əməl edir... Məndən öncə heç bir kişi Peyğəmbər (s) ilə namaz qılmayıb. Mən Bədr döyüşündənəm. Müaviyə isə əsirlikdən azad olan və əsirlikdən azad olunanın oğludur (təliq ibn təliq). Onlar (Müaviyə və qoşunu) batildir, siz isə haqsınız. Öldürün onları ki, Allah sizin əlinizlə onlara əzab etsin. Əgər siz öldürməsəniz Allah onları başqalarının əli ilə əzab edəcək (siz onları öldürmək şərəfindən məhrum olacaqsız)... Vallah ki, mən (Ühüd döyüşündə) düşmənlərdən irəli gələnini öldürdüyüm zaman Peyğəmbər (s) mənə tamaşa edir və deyirdi:
"La Seyfə İlla Zülfəqar və La Fəta İlla Əli" – Zülfüqardan başqa qılınc və Əlidən başqa igid yoxdur".

"İmam Rzadan (ə) zülfüqar qılıncı haqqında soruşurlar. İmam buyurur ki, onu Cəbrayıl göydən