“Əgər cünüb isəniz yaxşıca təmizlənin (bədəninizi başdan ayağa yuyun )” ( Maidə surəsi, 6 )

Qüslün bədən müvazinətini bərpa etmə, qan dövranını nizamlama və insanı ibadətə hazırlama kimi bədən və ruh sağlamlığı baxımından bir çox faydaları vardır.

Qüsl saçdan dırnağa qədər bütün bədəni yumaqdır. Buna boy dəstəmazı (qüsl dəstəmazı) da deyilir. Qüsl bəzən fərz, bəzənsünnət, bəzən də müstəhəb olur.

● Hansı hallarda qüsül alınır?

- Cənabət (qüslün pozulması) cinsi münasibət və ya şəhvətlə spermanın gəlməsidir. Bu da müəyyən ibadətlərin yerinə yetirilməsinə mane olur.

İnsanın cinsiyyət üzvündən gələn axıntı üç növdür: məzi, vədi və məni (sperma).

Məzi cinsi oynama, xəyal etmə və mazaqlaşma nəticəsində cinsiyyət orqanından gələn incə, şəffaf və sürüşkən mayedir. Gəlməsi hiss olunmaya bilər. Kişidə də, qadında da olur.

Vədi soyuq, ağır yük və s. qaldırma və başqa səbəblərdən əksərən sidikdən sonra gələn tünd, kəsik-kəsik mayedir və rənginə görə məniyə (spermaya) bənzəyir. Bəzən cinsi həzz səbəbi ilə də gələ bilər.

Məni (sperma) isə şəhvətlə gəlib əksər hallarda sürətlə çölə çıxan və spesifik qoxu və rəngə malik mayedir.

Qüsl ancaq məni ifraz olunduqdan sonra fərz (vacib) olur. Məzi və vədinin gəlməsi ilə yalnız dəstəmaz pozulur, gəldiyi yer yuyulduqdan sonra dəstəmaz alınır.

Məni gəlsə də, gəlməsə də cinsi münasibət nəticəsində qadının da, kişinin də qüslü pozulur. Məninin yuxu zamanı və ya oyaqkən, iradi və yaxud qeyri-iradi gəlməsi nəticəni dəyişdirmir. Cənabətli olmaq üçün məninin şəhvətlə gəlməsi şərtdir. Məninin ağırlıq qaldırma, yıxılma, xəstəlik kimi səbəblərlə gəlməsi qüslü pozmur.

Yuxudan oyanan zaman ihtilam olduğunu xatırlamaqla yanaşı, alt paltarına məni bulaşdığını görənlər qüsl almalıdır. Məni gəldiyini xatırladığı halda paltarda bir iz görməyən şəxslərə qüsl almaq fərz deyil.

Qüsl alarkən dəstəmaz pozulursa, qüsl pozulur?

Qüsl edilərkən dəstəmazı pozan halların meydana gəlməsi (vücudun qanaması və s.) qüslün