ə özünə zərərli olarsa, ona oruc tutmaq vacib deyil. Amma yalnız ikinci halda (özünə zərər olarsa) fidyə verməsi vacibdir. Hər iki halda isə tutmadığı günlərin qəzasını tutmalıdır." (Mənbə: "Tovzihul-məsail, məsələ 1793”.)

Ayətullah Məkarim Şirazi: "Əgər oruc tutmaq ananın bətnindəki uşağa və özünə zərərli olarsa, ona oruc tutmaq vacib deyil. Amma yalnız birinci halda (uşağa zərər olarsa) fidyə verməsi vacibdir. Lakin ikinci halda (özünə zərər olarsa) sonradan qəzasını tutmalıdır." (Mənbə: "Tovzihul-məsail, məsələ 1453”.)

5: - Süd verən xanım

Fəqihlər buyururlar ki, uşağa süd verən xanımın, istər uşağın anası olsun, istər dayəsi, istərsə də ücrətsiz süd versin, əgər südü az olarsa və oruc tutması özünə və ya əmizdirdiyi uşağa zərər verərsə, ona oruc tutmaq vacib deyildir. Gərək hər gün üçün "1 müdd” təam fidyə versin.

● Sual: Bəs görəsən süd verən xanıma tutmadığı orucun qəzasını sonradan tutmaq vacibdirmi?

Ayətullah Sistani: "Hər iki halda (özünə və ya əmizdirdiyi uşağa zərər verərsə) tutmadığı orucları gərək qəza etsin. Ehtiyat-vacibə əsasən bu hökm (orucun ona vacib olmaması), uşağa ancaq bu yol ilə süd verməyə aiddir, amma uşağa başqa yol ilə süd vermək mümkündürsə, məsələn; uşağa süd verməkdə bir neçə qadın iştirak edərsə, yaxud əmzik və şüşə qab ilə süd vermək mümkün olarsa, bu halda o xanımın oruc tutmaması icazəli deyil." (Mənbə: "Minhac, cild 1, məsələ 1042”.)

Ayətullah Vəhid Xorasani: "Tutmadığı orucların qəzasını tutmalıdır. Bu hökm o yerə şamildir ki, o uşağın bu yoldan başqa bir yolla süd yemək imkanı olmasın. Əgər uşağın başqa yolla süd yemək imkanı olarsa, o xanımın oruc tutması vacibdir." (Mənbə: "Tovzihul-məsail, məsələ 1737”.)

Ayətullah Fazil Lənkərani: "Əgər oruc tutmaq uşağa və ananın özünə zərərli olarsa, bu halda oruc tutmaq vacib deyil. Yalnız ikinci halda (özünə zərər olarsa) fidyə verməsi vacibdir. Hər iki halda isə tutmadığı günlərin qəzasını tutmalıdır. Amma uşağa muzd almadan süd verən bir kəs tapılsa, yaxud uşağa