Qalxmayın! Məndən istədiyinizdən daha üstün bir şey haqqında bilmək istəyirsinizmi? Bu sözləri mənə Cəbrayıl öyrədib: «Hər namazdan sonra 10 dəfə “sübhanallah”, 10 dəfə “əlhəmdulillah”, 10 dəfə “əllahu əkbər”. Yatağınıza girəndə 34 dəfə “əllahu əkbər”, 33 dəfə “əlhəmdulillah”, və 33 dəfə “sübhanallah” deyin. Fatimə növbəti dərs alırdı. O, bu dərsi körpəlikdən oxumuşdu. Amma bu dəfəki sadəcə bilik almaq deyildi. Bu “necə olmaq” dərsi idi! “Fatimə” olmaq asan deyildi. Artıq Fatimə (s) Əlinin (ə) də əzablarına şərik idi. Fatimə (s) peyğəmbərlik və imamət arasında bir halqa olmuşdu. Peyğəmbər (s) Fatiməni (s) nə qədər sevirdisə də, öz şagirdinin ilahi vəzifələr qarşısında çəkdiyi əziyyətlərini aradan qaldırmaqda aciz idi.

Bəli, Fatimə daim öyrənməkdə idi. Hüseynlər doğuracaq bu pak ağacın işığa, havaya, qidaya olan ehtiyacı tükənəsi deyildi.

Xidmətçi əvəzinə ilahi kəlmələr! Sual: bu məqamı kim dərk edib razılaşa bilər? Yalnız Əli (ə) və Fatimə (s) ilahi kəlmələri hər şeydən üstün tutub, bu kəlmələrlə yaşaya bilərdilər. Bu söz yağışı daim yağmalı və bu iki təşnə nihalı sirab etməli idi.

Şəlalə səsiyəm təşnələr üçün,


Yağış tək səmadan yağaram, için.


Bəs etməz aşiqə nə ki nuş edə,


İçin, bu susuz diyardan köçün.

Yer üzündə bu iki aşiqdən də təşnə olan kimdir? Bəli, Əli (ə) kimi cəngavər bir an olsun belə dilinin altında Allahın zikrini tərk etmir. Soruşurlar ki, Siffeyn döyüşündə də zikri unutmamışdın? Cavab verir ki, hətta Siffeyn gecəsi də!

Bu təsbihlər, zikrlər Fatimənin adı ilə bağlıdır. Çünki xidmətçi istəyi əvəzində Fatiməyə “gəlinlik hədiyyəsi” edilmiş bu ilahi kəlmələr başqa kimin adı ilə bağlana bilərdi ki?! Həzrət (s) özü durub gəldi, hədiyyəni verdi və getdi!

Peyğəmbər (s) sevimli qızı Fatiməyə (s) çox ciddi münasibət göstərirdi və bunu öz Rəbbindən öyrənmişdi. Məhəmməd (s) qədər əzab-əziyyət çəkən peyğəmbər məlum deyil. O, Allahın sevimlisi olduğu kimi, məsuliyyəti də böyük idi.

Bir dəfə Peyğəmbər (s) Fatimənin (s) otağına