aldadaraq, fitnə-fəsadla başqalarına «satdılar». Onların hər «işğal» etdikləri, səni çapıb-taladığı, mənimçün müqəddəs yerlərdə başına gətirilən oyunlar azmış kimi, ordakı zəhəri içimə çəkə-çəkə bu amansızlığa çarəsiz dözürəm.
Sevə-sevə ürəyini açdığın o adamlardır sənin başına bu müsibətləri gətirən. Budurmu onların sənə olan sevgisi? Bununçünmü onlara qəlbində geniş yer ayırdın? Onlar buna layiqdilərmi?! Necə dözürsən onların sənə etdiyi bu xəyanətlərə? Bəs niyə udmursan bu pislikləri?!.. Gör nə qədər qəlbində onlara yer vermisən ki, artıq mənə bir az da olsun yer qalmayıb. Amma sən nə qədər onları çox sevsən də, özünə məndən daha yaxın qəbul etsən də, mən səni yenə çox sevirəm...sevəcəyəm də. Sənə qarşı əbədi olan bu sevgim, heç vaxt ölməyəcək!
Üzü tutulub, rəngi dönmüş göy bunları deyib, susdu.

Bayaqdan göyü səssizcə dinləyən torpaq, üzünə düşən su damcısından diksinərək göyə baxdı.
Goy