n çox canımı yandıran o olacaq. Həyat belədir. Ən sevdiklərimizi qarşımıza almağa vadar edir. Qapının səsini eşidəndə özüm baxaram deyib qapını açdım. Ilk öncə atam salamlaşıb içəri daxil oldu.Daha sonra isə onun ardından Ramini gördüm.Bir anlıq ikimizdə təəccüblü şəkildə bir-birimizə baxdıq.Illər hər ikimizi dəyişmişdi.Artıq onun 28 mənim isə 16 yaşım vardı. İndi onun üz cizgilərini daha diqqətlə izləyirdim. Nədənsə qəlbimin döyüntüsü qulaqlarımda eşidilirdi. Sonra cəld özümü toparlayıb "xoş gəlmisən" deyərək onunla görüşdüm.Şam yeməyi üçün gözəl bir süfrə hazırlamışdı anam. Masa ətrafında əyləşib maraqlı söhbətlər edirdik. Daha doğrusu mən kənardan izləyirdim . Bir azdan Raminlə Ruslanın başı telefonlara qarışmışdı mənsə süfrəni yığmaqda anama kömək edirdim. Atam isə xəbər verilişlərindən birini açıb diqqətini oraya cəmləmişdi. Növbəti dəfə çayları süzüb süfrəyə gətirəndə anamla atamın "gün hansı tərəfdən doğub" deyə təəccüb etmələri məni xeyli utandırmışdı. Tənbəlliyim burada da özünü nümayiş etdirmişdi.
Ara-sıra onun baxışlarını üzərimdə hiss etsəm də fikir vermirdim. Yəqin ki çox dəyişilmişdim. O bir az da oturub sonra getdi. Onu yola salıb mən də otağıma keçdim. Yerimə uzandım .Bu gün nəsə çox fikirli idim. Gözlərimi yumub bir an əvvəl yatmağa çalışırdım.
Bir neçə gün daha keçdi. Məktəb, hazırlıqlar davam edirdi.Bütün müəllimlər razı idi məndən. Arxamca düşən qara kölgə isə əl çəkmək niyyətində deyildi.
-Azad, nə əcəb buralardasan?
Qonşu uşağının onu səsləməsindən məlum oldu ki adı Azad imiş. Mənsə artıq onun adını kölgə qoymuşdum. Bir anlıq dodaqlarım qaçdı öz halıma. Ona fikir vermədən addımlayıb yanından keçdim. Evə gəlib əynimi dəyişib növbəti hazırlığa getmək üçün tələsirdim. Bu gün hava soyuq idi. Ara bir yağış yağıb sonra kəsirdi.Bir az fərqlilik etmək istədim. Güzgü qarşısına keçib saçımı topuz yığdım. Gözlərimə karandaş, dodaqlarıma parıldadıcı vurub sadə make-up etdim. Kofta, şalvar və üzərin qısa paltomu keçirib evdən çıxdım. Yenə