Maraqlıdır.Amma mən bu zamanlarda Nə Azadı, nə Ramini nə də başqa birini düşünəcək halda deyildim.Bir neçə həftə əvvəl müəllimin dediyi sözlər mənə təsirini göstərmiş olacaqdı ki, kitablardan ayrılmır , tələbəlik illərimin xəyallarını qurardım. Oxuyub təhsil almaq mənim ən böyük arzum idi.Təbii ki valideynlərim də bunu ürəkdən istəyirdilər.Hündür boyum, cazibədar bədən fiquram 16 yaşım olmasına baxmayaraq 20-21 yaşında gənc qızlar kimi görünməyimə imkan yaradırdı.Üzümdə isə uşaq məsumluğu öz şirinliyini hiss etdirirdi .Çox zaman qohumlar , qonşular mənim evlilik söhbətimi açdıqda valideynlərim öncə diplom deyib söhbəti bağlayırdılar bu isə təbii ki mənim lehimə idi.
Bir neçə gün daha keçmişdi. Dərsdən çıxanda yenə Ramini görmüşdüm .Bu dəfə isə fərqli olaraq mənə doğru gəlirdi.Üz ifadəsindən sözlü adama bənzədiyini anlamışdım.
***** ***
Gedəcəkdinsə niyə gələcəkdən