“Şübhəsiz ki, biz onu Qədr gecəsində nazil etdik. Sən Qədr gecəsinin nə olduğunu bilirsən? Qədr gecəsi min aydan daha xeyirlidir. Ruh və mələklər o gecə Rəbbinin izni ilə hər bir iş üçün enər. O gecə dan yerinin ağarmasına qədər bir əmin-amanlıqdır.” (Qədr surəsi, ayə 1-5)

● Ramazan ayının 22-ci gününün gecəsi 3 -cü Qədr (Əhya) Gecəsidir. Bu gecə İyul ayının 20-dən 21-nə keçən gecəyə təsadüf edir.

Ramazan ayının 18, 20 və 22-cü gecələri qədr gecələridir. Bu mübarək gecə (Ramazan ayının 22-ci gecəsi) qədr gecələrinin üçüncüsü və sonuncusudur.

Qədr gecəsi isə elə bir gecədir ki, bütün il boyunca o qədər fəzilətli gecəyə rast gəlmək olmaz. Bu gecədə bir əməl etmək min ayda əməl etməkdən daha da xeyirlidir. İlin işlərinin təqdiri bu gecədə baş verir. Mələklər və mələklərin ən əzəmətlisi olan ruh bu gecə Allahın izni ilə yerə enərlər və İmam Mehdinin (əc) hüzuruna yetişərlər və hər şəxs üçün təyin edilmiş müqəddəratı ona təqdim edərlər.

İndi isə sizə qədr gecələrinin hər birində ediləcək əməlləri, dua və zikrləri təqdim edirik. Bu əməllər “Məfatih əl-cinan” kitabından götürülüb.

● Qədr gecələrinin əməlləri iki qismə bölünür:

1. Qədr gecələrinin hər birində yerinə yetirilən əməllər.
2. Qədr gecələrinin birinə məxsus olan əməllər.

- Qədr gecələrinin hər birində yerinə yetirilən əməllər bunlardır:

1-ci: Qüsl almaq. Əllamə Məhəmməd Baqir Məclisi (r) deyib: "Yaxşı olar ki, bu gecələrin qüslü gün batan vaxt edilsin və şam namazı bu qüsllə qılınsın."

2-ci: İki rəkət “Qədr gecəsi” namazı qılmaq. Bu namazın qılınma qaydası belədir: Hər rəkətdə “Həmd” surəsindən sonra yeddi dəfə “İxlas” surəsi oxunur. Namaz qurtardıqdan sonra isə yetmiş dəfə “اَسْتَغْفِرُ اللّهَ وَاَتُوبُ اِلَيْهِ” (Oxunuşu: ۩ “Əstəğfirullahə və ətubu iləyh”) deyilsin, yəni, “Allahdan bağışlanmağımı istəyir və Ona tərəf qayıdıram!” Peyğəmbərdən (s) nəql olunan rəvayətdə deyilir: “Bu namazı qılan şəxs yerindən qalxmamış Allah onu, atasını və anasını bağışlayar ...”

3-cü: Qur`anı