60-62 yaşında bir cütlük evliliklərinin 35 ilini qeyd etmək üçün bir restorana gedirlər. Anidən qarşılarında bir pəri peyda olub deyir:
- İllərdir bir-birinizə belə sədaqətli olduğunuz və örnək ər-arvad üçün sizin bir arzunuzu yerinə yetirəcəm.
Öncə qadından bir arzusunu soruşur. Qoca qadın sevgi ilə yoldaşına baxaraq, deyir:
- Mən həyat yoldaşımla ömrümüzün qalan günlərini dünya səyahətində keçirmək istəyirəm.
Bir göz qırımında bir möhtəşəm gəmi peyda olur.
Sonra pəri kişidən arzusunu soruşur. Kişi deyir:
- Doğrudur, bu gəmi çox möhtəşəmdir və insanın əlinə belə şans bir daha keçməz. Ancaq mən bu gəzintini gənc bir xanımla, özümdən 30 yaş gənc bir xanımla keçirmək istəyirəm.
Qadın və pəri böyük xəyal qırıqlığına uğrayırlar, ancaq istək yerinə yetirilməlidir. Pəri dəyənəyini uzadır və 1 anın içində kişi 92 yaşına gəlir