Möcüzə, Peyğəmbərlərdən meydana gələn xariqüladə hallardır ki, insanları aciz qoyur və heyrətləndirib imana gəlmələrinə vəsilə olur.

-Peyğəmbər Əfəndimizin (s.a.v.) möcüzələrinin ən böyüyü Qurani-Kərimdir. Qurani-Kərimin nəzminə və mənasına bəlağət sahibləri heyran qalmış, bənzərini görməmiş, bir Ayəsinin bənzərini gətirməkdən aciz qalmışlar.

-Rəsulullah Əfəndimizə (s.a.v.) lütf olunan ən böyük möcüzələrdən biri də Meracdır. Meracın içində də bir çox möcüzə vardır.

-Ayın iki yerə bölünməsi möcüzəsi: Rəsulullah Əfəndimizin (s.a.v.) Peyğəmbərliyinin səkkizinci ilində Məkkədə Qüreyş əyanlarının: "Ayı iki yerə böl" demələrindən sonra dua etdi, ALLAHÜ TƏALANIN Qüdrəti ilə ay iki yerə bölündü. Hər bir parça iki ayrı dağın üstündə göründü.

-Çox vaxt səfərdə mübarək barmaqları arasından su axdığı görülərdi. Mübarək əllərini bir su qabına salar, barmaqları arasından ALLAHÜ TƏALANIN Qüdrəti ilə çeşmədən çıxar kimi su çıxardı.

-Rəsulullah Əfəndimiz (s.a.v.) Peyğəmbərliyin ilk zamanlarında ondan möcüzə istənildiyində, qarşısındakı ağacı çağırır, onlar da köklərini sürüyərək gəlir, kimisi SALAM verir, kimisi Kəlməyi-Şəhadət gətirir, sonra da yerlərinə gedərdilər.
Mübarək əllərində və şərəfli məclislərində bəzi daşlar və yeməklər də təsbeh etmişdir.

-Quraqlıq zamanında yağış üçün dua istənildikdən sonra dua etmiş və mübarək əllərini üzlərinə sürtmədən yağış yağmağa başlamışdır.

-Yeməklərin çoxalması: Xəndək döyüşündə qıtlıq əsnasında Cabir bin Abdullah (r.a.) xanımının hazırladığı yemək üçün bir neçə adamla birlikdə Rəsulullah Əfəndimizi (s.a.v.) dəvət etdi. Rəsulullah da bütün səhabələri ilə təşrif buyurdular. Bərəkət üçün dua buyurduqdan sonra min adam doyana qədər yedi. Lakin yemək və çörəkdən heç bir şey azalmamışdı.


ALLAH QULU