Pəncərə önündə əyləşmiş, yenicə oyanmış baharın təcəssümü olan güllü çiçəkli həyətin seyrinə dalmışkən fikirlər dolanır beynimdə. Gözlərimi evimizin onünde qarşı-qarşıya dayanmış iki yaraşıqlı evə dikmiş, düşünürəm. İki il öncə baş vermiş hadisə yadıma düşür və məni dərin düşüncələrə aparır.


İki il öncə bu iki qarşı-qarşıya dayanmış yaraşıqlı villaların birində sevinc, digərində hüzün var idi. Eyni gündə biri evin başçısını beyin qanamasından itirmiş, digərində isə dünyaya bir qız uşagı göz açmışdı. Birində doğum xəbəri digərində ölüm xəbəri var idi. Biri dunyaya hələ yenicə gəlmiş, digəri isə artıq dünyanı tərk etmişdi.

"Dünya belə dünyadır" dedim içimdən. Dünya gələnlərlə və gedənlərlə doludur. Hər an, hər saniyə biri gəlir, biri gedir. Biri həyata daha yenicə başlamış, digəri çoxdan bitirmişdir. Sonra özüm-özümdən soruşdum:
"O niyə öldü, bu niyə doğuldu?" Adətən gəlməyi ilə getməyi bir olan qonağa deyirik: "Niyə gəldin, niyə gedirsən?"

Bu dünya evinə gəlməyimizlə getməyimiz bir olduğuna görə, biz niyə gəlmişdik niyə gedirik? Bizim burda nə işimiz var? Həyatın mənası nədir? Doğulduq, ölümə doğru gedirik. "Niyə yaşayırıq?" sualını özümüzdən soruşduqmu heç? Doğrudan, niyə yaşayırıq?

Həyatımızı nələrin, kimlərin uğruna və hansı məqsədlər üçün xərcləyirik? Və nəticədə qazancımız nədir?

Dünyada nə toplayırıqsa, mal, övlad, insanlar, hamısını qoyub getdiyimizə görə, sonda bizə qalan nə?

Dünyada müəyyən etdiyimiz hədəflər uğrunda çırpınır və həyatımızdan xərcləyirik. Onda gəlin, öncəliklə hədəf olaraq özumüzə bunu sorqulayaq? Niyə yaşayırıq? Sevdiyimiz her hansı bir sənətə yiyelene bilmək üçünmü, universitet imtahanlarında yüksək bal toplayıb yaxşı fakulteye girmək üçünmü,yoxsa o sevdiyimiz insan üçünmü, həyat yoldaşımız, uşaqlarımız üçünmü? Nə üçün? William Marston adlı bir psixoloq "Yaşamaqdan məqsədiniz nədir?" deyə sorğu keçirmişdir. Sorğunun nəticəsində insanların 94%-nin gələcəyə ümidlə bu günü yaşadıqları müəyyən olmuşdur. İnsanların çoxu