sinirlərini pozdu.
— Nə var, ünvanmı soruşacaqsan!.. .
Sərt çıxış qarşısında qadın səsini alçaltdı:
— Xeyr qızım, başqa bir şey soruşacaqdım.
— Sizin kimi cahillər ya ünvan soruşar, ya pul istər.
Kəndli qadının qızaran üzünə aldırmadı belə. O sırada qəşəng və lüks geyimli, orta yaşlı bir qadının uzaqdan yaxınlaşdığını gördü. "- Nəhayət." deyə düşündü. Ayağa qalxıb qadını qarşılamağa çalışarkən, qadın yanlarından keçib getdi. Qaşqabağını tökərək geri oturdu.
Yanındakı kiçik qıza daha möhkəm sarılmış kəndli qadının gözündən bir damla yaşın süzüldüyünü gördü. Qadın gözyaşını saxlamaq üçün digər tərəfə dönüncə bir üzündəki böyük yanıq izi göründü. Gənc qız mənalı mənalı güldü:
— Bax asanca gözyaşı tökə bilirsən, üzündə də çirkin bir yanıq izi var. Burada nə gözləyirsən keç bir küncə aç dəsmalını ağla… Lakin ağlamayla məndən bir şey qoparacağını sanma, tamammı...
Qadın dözə bilmədi:
— Cahil deyib dayanırsan. Nə cahilliyimi gördün. Tanımadığım bir qadına, nəvəsinin yanında təhqirmi etdim!
— Oooo... Söz etməyi də bilirmiş.
- Aydın oldu qızım, sən universitet bitirmiş, çox şey öyrənmiş ola bilərsən, amma insanlıqdan sinifdə qalmısan. Nəvəmi oxutmaq üçün məşğul olacaqdım. Lakin səni görüncə imtina etdim.

Bir müddət sonra, gənc qızın anası parkda yanına gəldi.
— Salam qızım, Zeynəb xalan hardadır ?
— Kimsə gəlmədi ana. Ən son bir qadın gəldi, yanıma oturdu. O da yalnız istirahət etmək üçün gələn biriymiş.
— Allah Allah!.... Geyindiklərini çox yaxşı təsvir etmişdim, səni necə tapa bilmədi anlamadım. Yanında kiçik bir qız olacaqdı.
Gənc qız bir an dayandı.
- Kiçik bir qızmı ?
— Bəli
— Ana!.. Biz zəngin, mədəni insanlarıq. Hərhalda yoldaşın da zəngin, mədəni biridir, deyilmi ?
— Mədəniyyətsiz deyil, amma zəngin deyil.
— Əsla mənə kəndli bir qadın olduğunu demə..
— Kənddən gələn qadına nə deyilir ki!.. .
— Oh!.. Yaxşı yaxşı, kəndli qadınları qarşılamağa məni göndərirsən.
— Qızım, o qadına bir borcumuz vardı. O zamanlarda borcumuzun qarşılığı