56. Vaqiə surəsiQurani-Kərimin
Azərbaycan dilinə tərcümə və şərhi
56. Vaqiə surəsi
(Məkkədə nazil olmuşdur, doxsan altı ayədir)
Bağışlayan və mehriban Allahın adı ilə
1. Həmin hadisənin (Qiyamətin) baş verəcəyi zaman.
2. Onun baş verməsində yalan yoxdur və kiminsə onu yalan sayması layiq(li iş) deyil.
3. Alçaldan və ucaldandır. (Yaradılış aləmini alt-üst edən, sonra küfr və itaətsizlik əhlini alçaldan, təqva və iman əhlini ucaldandır.)
4. Bu yerin (həmin titrəyiş ilə) möhkəm titrəyəcəyi zaman!
5. Dağlar möhkəm dolandırılacaq və parçalanacaqdır.
6. Beləliklə dağınıq toz halına düşəcəkdir.
7. Və siz üç dəstəyə bölünəcəksiniz.
8. (Birinci dəstə) sağ tərəf əhli! Nədir sağ tərəf əhli? (Səadət və xoşbəxtlik təcəssümü.)
9. (İkinci dəstə) sol tərəf əhli! Nədir sol tərəf əhli? (Şər və bədbəxtlik təcəssümü.)
10. (Üçüncü dəstə, imanda) öncül (təqvada) qabaqcıllar!
11. Onlar (Allahın dərgahına) yaxın olanlardır.
12. (Onlar) nemət dolu cənnət və bağlarda olacaqlar.
13. Böük bir dəstə keçmişlərdən (keçmiş məsumlardan).
14. Bir azı (da) sonrakılardan (son ümmətin məsumlarından).
15. (Qızıldan) toxunmuş (daş-qaşla bəzədilmiş və bir sıraya düzülmüş) taxtlar üzərində.
16. Onlara söykənmiş halda bir-biri ilə qarşı-qarşıya.
17. Onların dövrəsində (təravət və cavanlığı) həmişəlik olan və qolbağı taxmış oğlanlar dolanacaqlar.
18. (Çeşmədən) axan şərab kuzələri, bardaqları və piyalələri ilə!
19. Ondan (o şərabdan) nə başları ağrıyar, nə də ağıllarını itirərlər.
20. Və seçdikləri meyvələrlə.
21. Və meyilləri çəkən quş əti ilə.
22. Və (orada onlar üçün) ağ dərili, iri gözlü gözəl qadınlar (vardır).
23. Sədəfdə gizlənmiş inci kimi (ki, nə rəngi dəyişib, nə də kiminsə əli toxunub onlara)!
24. (Dünyada) etdiklərinin (yaxşı əməllərin) mükafatı olaraq.
25. Həmin cənnətlərdə əsla bihudə və günah sözlər eşitməyəcəklər.
26.