səlləm səhabələri nəbilərdən sonra insanların Allahdan ən çox qorxanları olmasına baxmayaraq, onların əksəriyyətindən bu gün insanların kəramət adına yalandan uydurduqları xurafatlar meydana çıxmamışdır, halbuki onlar insanlar içərisində Allaha iman, təqva, Allahı və dinini tanımaq baxımından ən güclüləri idi.

Allah subhanahu və təala buyurur: “(Mələklər), Ondan qabaq söz danışmaz, yalnız Onun əmri ilə iş görərlər. (Allah) onların öndəkilərini də, (nə etdiklərini və nə edəcəklərini də) bilir. Onlar yalnız Allahın razı olduğu (izn verdiyi) kəslərdən ötrü şəfaət edə bilər və Onun heybətindən qorxarlar”. (Ənbiya, 29).

Heç kəsin rəsullara, mələklərə, övliyalara və başqalarına ibadət etməsi caiz deyildir. Allahdan başqasına qurban kəsmək, xəstəlikdən şəfa tapmaq üçün onlardan şəfa istəmək, düşmənlərə qarşı yardım istəmək və s. digər ibadət növlərini Allahdan başqasına aid etmək Allah təalanın Qurani Kərimdə buyurduğu ayəsinə görə haramdır. Allah təala buyurur: “(Şübhəsiz ki,) bütün məscidlər Allaha məxsusdur, Allahdan başqa heç kəsə ibadət (dua) etməyin”. (Cin, 18).

Həmçinin Allah təala buyurur: “Rəbbin yalnız Ona ibadət etməyi buyurmuşdur. (İsra, 23).
Digər ayədə buyurur: “Halbuki onlara əmr edilmişdir ki, Allaha dini yalnız Ona məxsus edərək, batildən haqqa (islama) dönərək ibadət etsinlər” (Bəyyinə, 5).

Bu mənada ayələr Qurani Kərimdə çoxdur.
Həmçinin övliyaların qəbirləri ətrafında tavaf etmək (fırlanmaq) də haramdır. Çünki tavaf yalnız Allahın evinin Şərəfli Kəbənin ətrafında edilmək üçündür. Digərlərinin ətrafında etmək haramdır. Kim qəbrin ətrafında qəbir sahibinə yaxınlaşmaq üçün tavaf edərsə, namaz, qurban, istiğasə (kömək istəmək) ibadətlərində olduğu kimi artıq Allaha şirk qoşmuş olur. Allah təala buyurur:
“De: Mənim namazım da, qurbanım (ibadətim) da, həyatım və ölümüm də aləmlərin Rəbbi olan Allah üçündür. Onun heç bir şəriki yoxdur. Mənə belə buyurulmuşdur və mən ilk müsəlmanam”. (Ənam,