özünə zülm edənlərdən olarsan” -deyə buyurmuşdur.

Əgər Adəm övladının Seyyidi Peyğəmbər sallallahu aleyhi və səlləm Allahdan başqasına dua etdiyi təqdirdə Allah təala onu zalım adlandırırsa, o halda başqası necə!!! Zülm isə şirk sayılır. Allah təala buyurur: “Doğurdan da Allaha şərik qoşmaq böyük zülmdür! (Ağır günahdır)”. (Loğman, 13). Bu və digər ayələrdən məlum olur ki, Allahdan başqasına mələklərə, peyğəmbərlərə, seyyidlərə, övliyalara, ölülərə, ağaclara, bütlərə və digərlərinə dua etmək Allaha şərik qoşmaqdır. Bu isə Allah təalanın qulları Özünə ibadət etmək üçün yaratdığı məqsədə qarşıdır. Lə iləhə illəllahın mənası-Allahdan başqa ibadətə haqqı olan məbud yoxdur deməkdir. Lə iləhə-deyərkən insan Allahdan başqa bütün ibadətləri inkar edir və illəllah (yalnız Allaha) deyərkən isə ibadətlərin yalnız Allah üçün olduğunu təsdiq edir. Allah təala buyurur: “Bu belədir. Çünki Allah haqq, (müşriklərin) Ondan başqa ibadət etdikləri (bütün ilahlar) isə batildir”. (Həcc, 62). Başqa ayədə buyurur: “(Ya Rəsulum!) Sənə və səndən əvvəlkilərə belə vəhy olunmuşdur: Əgər Allaha şərik qoşsan, bütün əməllərin puça çıxacaq və mütləq ziyan çəkənlərdən olacaqsan! Xeyir, yalnız Allaha ibadət et və Onun (nemətlərinə) şükr edənlərdən ol.” (Zumər, 65-66)

İslam dini iki böyük əsasa dayanır:
Birincisi: İbadəti yalnız Allaha etmək.
İkincisi: İbadəti yalnız Peyğəmbərin sallallahu aleyhi və səlləm şəriəti üzrə buyurduğu kimi yerinə yetirmək.

Bu da kəlimeyi şəhadətin mənasıdır. Kim peyğəmbərlərə, mələklərə, övliyalara, seyyidlərə, bütlərə, ağaclara, dağlara, daşlara və bunun kimi məxluqatlara ibadət edərsə (yardım istəmək, qurban kəsmək və nəzir verməklə onlara yaxınlaşmaq, səcdə etmək və.s) artıq Allahdan başqa özünə İlah etmişdir. Dinə Allah təalanın icazə vermədiyi yenilik gətirmişdir və kəlimeyi şəhadətə zidd hərəkət edərək şirk qoşmuş, bidət etmişdir. Peyğəmbər sallallahu aleyhi və səlləm buyurmuşdur: “Hər kim bizim bu dinimizə ondan