z müsəlman qardaş və bacılar! Gördüyünüz kimi bu məsələ ilə əlaqədar varid olan hədislər, üzərində surət olan əşyaların asılmasının haram olduğuna dəlalət edir. Həmçinin mələklərin daxil olmasına mane olur. Ona görə də Rəsulullahdan sallallahu aleyhi və səlləm gələn hədislərin səhih olduğu müəyyən olunduğu təqdirdə kimliyindən asılı olmayaraq insanlardan kiminsə söz və əməlinin Rəsulullahın sallallahu aleyhi və səlləm sözündən üstün tutulması haramdır. Möminlərə vacib olan Rəsullullaha sallallahu aleyhi və səlləm tabe olmaq və onun dediyindən möhkəm yapışmaqdır. Onun dediklərinə zidd olanı rədd etməkdir. Allah təala buyurur: “Peyğəmbər sizə nə verirsə, onu götürün; nəyi qadağan edirsə, ondan əl çəkin”. (Həşr, 7) Allah təala buyurur: “De: Allaha itaət edin, Peyğəmbərə itaət edin. (Çünki Peyğəmbərə itaət etmək elə Allaha itaət etməkdir). Əgər (Peyğəmbərin əmrindən) üz döndərsəniz, (bilin ki) onun vəzifəsi ancaq ona tapşırılanı, sizin də vəzifəniz ancaq sizə tapşırılanı yerinə yetirməkdir. Əgər ona itaət etsəniz, doğru yolu tapmış olarsınız. Peyğəmbərin öhdəsinə düşən isə yalnız (dini Allahın hökmlərini, risalətini) açıq-aşkar təbliğ etməkdir”. (Nur, 54) Artıq Allah subhanahu və təala bu ayədə yalnız Rəsulullaha tabe olanların hidayət (doğru yola yönəltmək) olunacağına zəmanət vermişdir.

Sonda sizlərə Allah təalanın bu ayəsini xatırladırıq. Allah təala buyurur: “Onun əmrinə qarşı çıxanlar başlarına gələcək bir bəladan, yaxud düçar olacaqları şiddətli bir əzabdan həzər etsinlər!” (Nur, 63). Allah təala bizləri və sizləri bununla faydalandırsın və düz yolda bizi sabit etsin. Uca Rəbbimizdən arzu edirik ki, O, bizim qədəmlərimizi dinimiz İslamda möhkəm etsin, bizə elm və hidayət versin! Amin!
Onlar elə kəslərdirlər ki, Allaha və rəsuluna itaət edirlər, Onun qəzəbinə gəlməkdən, Onu qəzəbləndirməkdən qorxurlar, Allahın haqqını (İbadəti yalnız ona etmək) verirlər, Allah təalanın qadağan etdiyi şeylərdən çəkinirlər. Məhz onlar Allahın dostlarıdırlar.