: Mənim namazım da, qurbanım (ibadətim) da, həyatım və ölümüm də aləmlərin Rəbbi olan Allah üçündür. Onun heç bir şəriki yoxdur. Mənə belə buyurulmuşdur və mən ilk müsəlmanam”. (Ənam, 162)
Lakin sağ, mövcud (qeybdə olmayan) insandan qadir olduğu şeydə kömək istəmək şirk deyildir. Əksinə bu caizdir. Allah təala buyurur: “Musanın adamlarından olan kəs düşməninə qarşı ondan imdad istədi”. (Qasas, 28-15).
Allah təalanın ümumi sözündə: “Yaxşılıq etməkdə və pis əməllərdən çəkinməkdə əlbir olun”. (Maidə, 2). Həmçinin Rəsulullah sallallahu aleyhi və səlləm buyurur: “Qul qardaşına (müsəlman) kömək etdiyi müddətcə Allah da onun köməyindədir”. (Səhih Buxari, 2699). Bu mənada ayə və hədislər çoxdur. Bu məsələdə müsəlmanlar arasında icma vardır. Müvəffəqiyyət Allahdandır. Həmçinin kömək qeyrilərindən deyil (mələklər , rəsullar, övliyalar, seyyidlər , qəbir sahibləri və s.) yalnız Allahdandır. Buna dəlil Qurani Kərim, Allahın sözüdür: “Kömək ancaq yenilməz qüvvət, hikmət sahibi olan Allahdandır”. (Ali İmran, 126). Həmçinin Allah təala buyurur: “Əgər Allah sizə yardım edərsə,heç kəs sizə qalib gələ bilməz. Yox, əgər sizi zəlil edərsə, Ondan sonra kim sizə kömək edə bilər?” (Ali İmran, 160) Qurani Kərimin ayələrindən göründüyü kimi Allah təala insanları yalnız Ona ibadət etmək üçün yaratmış, rəsulları və kitabları bunu bəyan etmək üçün göndərmişdir. Allah təala buyurur: (Zariyat, 56) Bu mənada ayələr və hədislər çoxdur.

Şübhəsiz ki, dua ibadətin ən mühüm növlərindəndir. Allah təala bunu vacib etmiş və ixlasla (yalnız ona) dua etməyi əmr etmişdir: “(Şübhəsiz ki,) bütün məscidlər Allaha məxsusdur, Allahdan başqa heç kəsə ibadət (dua) etməyin”. (Cin, 18). Bu bütün məxluqata peyğəmbərlərə, övliyalara, seyyidlərə və digərlərinə də aiddir. Allah təala buyurur: “Allahdan başqa sənə nə bir xeyir, nə də zərər verə bilən şeylərə (ilaha (ibadət olunan, bütlərə) ibadə etmə”. (Yunus, 106). Məlumdur ki, Allah təala peyğəmbərimiz Muhəmmədi sallallahu aleyhi və səlləm