Müsəlman qadının varı, dövləti,
Axirət evinin böyük sərvəti,
Ruhunun paklığı, izzət, iffəti,
Fatimə(s.ə) zinəti, namus hicabım.
Dünyəvi hisləri bir kənara at,
Şeytana əzab ver, nəfsinə cihad,
Allahın qatında ali mükafat,
Fatimə(s.ə) zinəti, namus hicabım.
Kafirə zərbədi, möminə müjdə,
Zəfər bayrağıdır nəfslə döyüşdə,
Qadına Cənnətdir böyük görüşdə,
Fatimə(s.ə) zinəti, namus hicabım.
Qırılsın şanına uzanan əllər,
Onun kölgəsində dil Allah söylər,
Önündə baş əyər yerlər və göylər,
Fatimə(s.ə) zinəti, namus hicabım.