Bir gün kəsiləcək zənglərin,sönən ehtirasın
kimi.Öləziyəcək hisslərin sisli-dumanlı xəyallar
içində.Bəlkədə anmayacaqsan,duymayacaqsan sevgili
könlümü.Əlini uzadıb yaşıl xatirələri qucaqlamaq
istəyəcəksən,yarı yuxulu-yarı mürgülü keçən ehtiraslı
günlərinin şirin röyasının nəğmələrinə qoşulan səsimi
belə eşitməyəcəksən.Dönəcəksən bir anlıq sevdalı
gülüşlərimi axtarmağa,eşidilməyəcək notların
səsində.Zəngulələr vuran,hətta hönkürən gülüşlər belə
mənim qədər sevindirməyəcək,güldürməyəcək səni.
Sözdən keçib gələcəm sənə,dünya qədər dərin
sözdən.....Hara boylansan məni görəcəksən,ətrafını
bürüyəcək gələn həsrət yolları.Açan hicran çiçəklərinin
rahiyəli, bihuşedici iyləri göynədəcək səni.Bağrına
basdığın buz bağlayan istəyin ərimək istədikcə addım-
addım itəcəksən yolar ayrıcında.Əvəzində isə ürəyinin
nisgili kədər çiçəkləyəcək hər gün.Kök salıb mənli
xatirələri öpüb oxşayacaq.Nəğməmizi pıçıldayacaq
sənə.Dinləyərkən məni görəcəksən.Mən ilğım kimi
itdikcə ürəyin dözməyəcək möhnət yükünə.Günəş kimi
üfüqlərdə batıracaq səni tək bir ayrılıq nəğməsinin səsi
ilə.Qəmlər şehləyəcək sevgin hər gün yenidən.
Mənimsə sözüm dil açacaq,damla -damla sevinc bəxş
edəcək mənə hər misram.Bilirsənmi niyə???...Çünki
,sənə yazılacaq onlar.Sözüm duracaq sənin
qəsdinə...Zaman ötdükcə ,yaş artdıqca anlayıb
duyacaqsan bunları.Unutmaq,yaddaşından silmək
istədiyin sevda küncündə yatan xatirələrin yapışacaq
səndən.Barışacaqsan taleyinlə.Hər çiçəyin üzündə mən
olacam.Açacam ləçək-ləçək hər gün puçurlayan
eşqimlə,saralmayan-solmayan bahar olacam sənin
gözündə.....
Sönən ehtirasın alovlanıb qəlbindəki,közü işardacaq
ulduz-ulduz.Məhəbbətə çağıracaq səni ayrılan
yollar,cığırlar,izlər...Boylanan həmişə yaşıl xatirələr
yaşadacaq səni.Amma onda gec olacaq,çox gec
olacaq.Mən olmayacam onda.....Səadətin zirvəsinə
ucalıb gözlərimi əbədi yumacam həyata. Nəğmələrim
dillərdə dastan olub yayılacaq yer üzünə.Səndə mənimlə
bərabər yaşayacaqsan kədər səsli