nifrətini daha da alovlandırdı. Öz qızı dərslərə o qədər də maraq göstərmirdi, 3-4 alırdı həmişə. Dinaranı hər nə qədər ev işləri ilə yükləsə, ona nə qədər əzab versə də, Dinaranın həyat eşqini söndürməyə müvəffəq olmamışdı. Qonşuları bacardığı qədər gənc qıza yardım edirdilər. Pul, paltar verirdilər. Dinara pulsuz oxumasına baxmayaraq “ögey anası”nın tələbi altında evlərdə qulluqçuluğa başladı. Üzərindəki baxışları hiss edirdi. Gözəlliyin pik nöqtəsində idi. Və bu işi əsnasında varlı bir ailənin oğlanın eşqi ilə qarşı-qarşıya gəldi. İlk baxışda eşq. Qaçmağa çalışdı, alınmadı. Oğlan hər yerdə onu təqib edib tapırdı. Lap axırda etiraf elədi. Ağlayaraq onun qollarından çıxmağa cəhd etdi. Amma oğlan cəld dodaqlarına yumulub incəliklə öpməyə başladıı. Bacarıqsız idi.
Görüşüb eşqlərini doyunca yaşamağa qərar verdilər. Gözlərdən uzaq bir məkanda. Ancaq əl-ələ, göz-gözə, dodaq-dodağa, nəfəs-nəfəsə. Hər ikisi də xoşbəxtliklərin zirvəsində idilər. Yarım saatlıq görüş onlara bütün dünyanı bəxş edirdi.
Bu eşqin sədaları getdikcə yayılmağa başladı. Oğlanın evində qışqırıq, qızın evində şillə-təpik. Oğlanı qızdan ayrı tutmaq məqsədilə möhtəşəm plan sərgiləndi...

Muellif