tərəfinizdə olacaqlar. Xarici dillər öyrənmək üçün pis vaxt deyil.
Əldə etdiyiniz uğurlara rəğmən axşam saatlarına yaxın əhvalınız pisləşə bilər. Özünüzdən və ətrafınızdakı insanlardan narazı qalmayın. Aqressiv davranmayın. Sərtlik üçün heç bir səbəb yoxdur.
Alış-veriş uğursuz olacaq.

ŞİR - emosional fon əlverişlidir. Axşam saatlarınadək xoş əhval-ruhiyyədə olacaqsınız. Nikbin olun. Yaxın ətrafınızdakı insanlar sizə can atırlar. Yeni dostluq əlaqələri və romantik tanışlıqlar istisna deyil.
Günün ikinci yarısında çox işlərin öhdəsindən gələ bilərsiniz. Bir dəqiqənizi də boş keçirməyin. Sövdələşmə və anlaşmalar xeyir verə bilər.
Maliyyə fonu uğurludur. Bahalı əşyalar ala bilərsiniz. Dəvət aldığınız tədbirlərə qatılın. Həmkarlar və işgüzar tərəfdaşlarla qeyri-formal şəraitdə təmaslar, ünsiyyətlər xeyirlidir.

QIZ - bu gün yaranacaq problemlər ilk baxışdan göründüyü kimi ağır, çətin deyil. Problemlərin miqyasını olduğundan artıq saymayın. Uğurlarla qələbələrinizi görmək istəmirlər. Hadisələrə fərqli baxış təklif edən insana qulaq asın. Pozitiv düşüncə sizə bir sıra nöqsanları çözməyə imkan verəcək.
Günün ikinci yarısı alış-veriş və investisiyalar üçün münasib deyil. Qüvvə və imkanlarınızı olduğundan artıq dəyərləndirməyin. Pullarınıza laqeyd yanaşmayın. Evdə və ofisdə qayda yaradın. Gərəksiz əşyalarla əlaqələrdən qurtulun. Belədə bədbinlikdən də yaxa qurtararsınız.
Axşam saatlarını aktiv istirahətə həsr edin.

TƏRƏZİ - o qədər də uğurlu olmayan gündür. Problemlərin bir sırasının səbəbkarı sizsiniz. Unutqan, diqqətsiz olmayın. Önəmli məqamları nəzərdən qaçırmayın, illüziyalardan qurtulun, xəyallar aləmində gərdiş etməyin.
Baş verənlərə mühafizəkar yanaşan insanlarla aranızda münaqişə yarana bilər. Sizdən ənənələrə riayət tələb olunacaq. Aqressiv davranmayın.
Orqanizminizi sınağa çəkməyin. Ağır və yağlı yeməyi rasiondan çıxarın. Təzə meyvə-tərəvəzdən yararlanın.

ƏQRƏB - asan olmayan gündür. Fəaliyyət planını əvvəlcədən hazırlasanız və ən xırda