Yenə Qonağımsan bu gecə mənim
Yenə Agladacam üzəcəm səni.
Yenə əllərimi çənəmə qoyub
Təpədən dırnağa süzəcəm səni...

Bu adi dünyada bir anlıq itib
Bu gecə arzuma, kamıma yetib
Bütün vücüdunu səyahət edib
Yenə qarşı -qarşı gəzəcəm səni...

İpək saçlarını əlimlə hörüb, Önünə min cürə arzular sərib,
Özümə cavabsız suallar verib,
Yenə tapmacatək çözəcəm Səni...

Ucadan bağırıb ürək sözümü,
Ağlayıb torpağa atıb dizimi
Haqlı hesab edib özüm-özümü,
Yenə dodagımda büzəcəm Səni...

Rəbbim onsuz məni aciz yaradıb
Dözmüşəm gözümdə hey"BİZ" yaradıb
Gözümün yaşında dəniz yaradıb,
Yenə birnəfəsə üzəcəm Səni...

Söyəcəm özümü ərk edə-edə, Ruhum Bədənimi tərk edə -edə
Sonra həqiqəti dərk edə-edə
Yenə sətirlərə Düzəcəm Səni...