n şəkildə dərindən nəfəs alıb:
- Nə?
- Şəkil çəkdirə bilmədik.
- Narahat olma, sən o maşını qırdın deyə artıq şəklin bütün parka yayılıb.
- Ya sən?
Sənan hiyləgər bir təbəssümlə:
- Mənim şəkillərimdən albom belə düzəldiblər.- deyib, başını çevirdikdə Süsənin ona diqqətlə baxdığını gördü. Narah bir şəkildə:
- Nə? Noldu?
- Bu gün məni gəzdirdiyin üçün çox sağ ol. Həqiqətən çox əyləndim. Səninlə olmaq çox xoşuma gəldi. Ilk dəfə idi ki birnin yanında özümü belə rahat və xoşbəxt hiss edirdim. Təşəkkür...
Sənan Süsənin ona gülümsəyərək dediyi sözlər qarşısında donub qalmışdı. Özünə etiraf etməsə belə, o da çox əylənmişdi. Hətda ürəyində Ayazın gəlməməsinə sevinirdi. Amma bunları Süsəndən eşitmək möcüzə kimi idi. Özünə gəlib, gülümsəyərək:
- Mən də çox əyləndim. Səninlə olmaq çox...
- Görəsən bu səfər düzgün dedim? Düzdü yumurtası tərs düşmüş toyuğu bacarmadım.
Sənan artıq hər hüceyrəsini işğal edən qəzəbini güclə boğub, zorla gülümsəyərək:
- Yox super elədin. Az qala inanacaqdım. Amma inanmadım təbii ki. Çünki toyuq yeri əksik idi!
Süsən çiynini çəkib, ayağa qalxaraq:
- O da qalsın gələn dəfəyə. Gedək evə.
Sənan başını yelləyib, o da ayağa qalxdı. Önündə gedən Süsənin arxasıyca boğurmuş kimi əllərini uzatdı. Elə bu an sağ tərəflərindəki ağacın altındakılar diqqətini çəkdi. 18+ fimlərə səhnə ola biləcək hərəkətləri yox, tanış gələn sima. Gözlərini qıyıb diqqətlə baxmaq istəyirdi ki, Süsənin çağırmasıyla getməli oldu. Yol boyunca beynini 2 şey məşğul edirdi: az öncə gördükləri və Süsəni necə öldürmə planları...
Sənan qonaq otağına keçdikdə yenə divanı işğal etmiş Ayazı görüb üzünü qırışdırdı. Onun qarşısındakı kresloya keçib, gözlərini ona dikərək oturdu. Ayaz da onu görməyinə sevinmədiyini bəlli edən ifadə ilə:
- Sən heç dərslərə getmirsən?
- Yox.
- Bəlli olur.
Sənan onun əsəblərini tarıma çəkən kinayəsini anlamamazlıqdan gəlib, yadına indi düşmüş kimi:
- Sən niyə dünən gəlmədin?
- Hara?
Sənan öncə əsəbi şəkildə “necə yəni