sığallayıb, şirin bir şəkildə:
- Narahat olma, indi yerinə çıxacaqlar daha gur olacaq. Valla.
Qızlar Süsənin hər şeyə bir mız qoymasına dözməyə çalışıb, onu stola bağlayıb bəzəməyə çalışarkən, aşağıda bütün hazırlıqlar tamamlanırdı. Oğlanlar bayaqdan Leyla xanımın tapşırıqların yerinı yetirməyə çalışarkən əldən düşmüşdülər. Qovulduqları mətbəxdə dincəlməyə çalışırdılar. Samir əlindəki içki qutusunu stolun üstünə qoyub:
- Bu da sonuncu. Canım çıxdı daşıyacan.
Halsız şəkildə masanın bir küncünə sərilmiş Elçin, güclə başını qaldırıb:
- Sənan olsaydı hamsın 15 dəqiqəyə daşıyardı.
- Bəs harda gizlənib o alçaq?
Elnur başını hesab dəftərindən qaldırıb:
- O sonra gələcəkmiş bir şeylər almalıymış.
Samir:
- Bu ara da sən niyə bizə kömək eləmədin?! Elə ancaq bu dəftərlə məşğul oldun, bunu mən də eləyə bilərdim.
Elnur heç nə demədən dəftəri onun qabağına qoyub, Samirin bir anda bozaran üzünü görüncə qalib gəlmiş kimi gülümsədi. Elə bu an Leyla xanımın nişanın başladığını elan eləməsiylə hər kəs böyük zala yığışdı. Oğlanlar Sənan zəng etsələr belə, telefonuna zəng çatmırdı. Amma artıq gec sayılardı, bir neçə dəqiqədən sonra üzüklər taxılacaqdı və Süsən qızlarında köməkliyi ilə aşağı endi. Hər kəsin, xüsüsən oğlanların ağzı açıq qalmışdı. Ilk dəfə idi ki, Süsəni uzun bir donda və saçları açıq görürdülər. Həm də bu qədər qız kimi... Elçin geniş açılmış gözlərlə Süsənə baxarkən pıçıldadı:
- Sənan Süsən bacını belə görsə infarkt keçirər yəqin və yaxşı ki görmədi. Yəqin ürəyi dözmədi sevd...
- Əziz qonaqlar bu gün mənim yeganə qızım və Ayaz balamın nişanıdı. Elə xoşbəxtəm ki... hər ananın ən böyük arzusudu qızının bu xoş gününü görmək. Deyəcək söz tapa bilmirəm, edə biləcəyim tək şey üzükləri taxmaqdı- dedi göstərişli paltarı və ağır paltarı ilə nazla danışan Leyla xanım.
Süsənin əlindən tutub, Ayazın yanına gətirdi. Kiçik sinidəki üzüklərdən birini götürüb, Süsənin barmağına taxdı, digərini də Ayazın barmağına taxmaq istəyirdi ki, tiz bir qışqırıq