n sonra cəhənnəm belə mənə xoş olar.
Sənan qapı tərəf durduğundan arxadan gələn səsin sahibini görmürdü. Amma 6-cı hiss ilə Süsənə baxıb, qorxuyla:
- o yeriyən meyid arxamdadı hə?- deyib, onun başını yelləməsiylə daha çox dəhşətə düşdü.
Nənə isə ən məsum ifadəsiylə:
- yoxsa siz tək getmək istəyirdiz? Yaxşı, mən bu qoca vaxtımda evdə tək dayanaram...həmişəki kimi....
Süsən onun bu halına dözməyib, nənənin yanına gələrək:
- Əlbətdə səndə bizimlə gəlirsən nənə. Bax çox əylənəcəyik, səni hər yerə aparacam- deyib qoluna girib apararkən mətbəxdə tək başına qalan Sənan dişlərini qıcadı.
Özünü sakitləşdirməyə çalışıb pıçıldadı:
- əlbətdə səni də apararıq və qarşımıza çıxan ilk qəbirsanlıqda basdırarıq...
Səhər Süsən döyülən qapını açıb qarşısında Sevinci gördükdə udqundu. Az qala yazıq bir səs tonuyla:
- buyur, Samiri görməyə gəlmişdin hə?
Sevinc gözlərini qıyıb, hiyləgər bir ifadə ilə başını yellədi. Süsən bir neçə addım arxaya çəkilib, qaçmağa hazırlaşırdı ki, Sevinc ondan qabaq tərpənib qoluna girdi. əslində biraz qorxunc görünən bir ifadə ilə:
- deyəsən bu gündə səni bəzəməli olacağıq.
Süsən ayağını yerə dirəyib, Sevincin onu sürükləməsinə qarşı qoymağa çalışarkən:
- Niyəki? – deyə pıçıldaya bildi sadəcə.
Sevinc artıq Süsəni sürüyə-sürüyə:
- Heç. Qulağıma bu günün biraz vacib olduğu xəbəri gəldi də. Ilk öncə bu qollarından başlayaq. Amazon meşələri ilə yarışmağın mənası yoxdu. Gəl, gəl. Çox əylənəcəyik...
Sənan yenə başının üstündə dayanmış oğlanlara fikir vermədən oyun oynayırdı. Onlar isə öz aralarında pıçıldaşıb, gülüşürdülər:
- Bax e, biz deməyimizi gözləyirdi.
- O dəqiqə gedib qıza görüş təklif edib.
- Canında varmış əclafın.
Sənan artıq düymələri az qala çəkiclə vururmuş kimi basıb, dişlərinin arasında pıçıldadı:
- Sizi eşidirəm.
Samir çiynini çəkib:
- Elə eşit deyə möhkəmdən deyirik da.
Sənan əlindəki telefonu kənara atıb ayağa qalxdı. Oğlanların qarşısına dikilib, sərt şəkildə:
- Bir dəfə deyəcəm, anlayın.