b tapmaq üçün dedi: - Harda idin? Ceyhun gödəkçəsini çıxarıb, divanın üstünə ataraq kinayəli bir təbəssümlə dedi: - Sənə də salam. - Harda idin Ceyhun? Neçə gündü hardasan sən? Ceyhun Elnarəyə yaxınlaşıb, gözlərinə baxaraq: - Guya vecinədi harda olduğum? Bu 3 ildə vecinə olub? Elnarə gözlərini ondan qaçırıb: - Sənə nə olub axı? Heç belə deyildin... Ceyhun divanın üstündəki gödəkcəsini götürüb, Elnarəyə baxmadan dedi: - Heç nə olmayıb. Sadəcə bezmişəm. Elnarə evdən çıxmağa hazırlaşan Ceyhuna yaxınlaşıb, ürkək səslə soruşdu: - Məndən? Ceyhun əlini qapının dəstəyinə atsa da, eşitdiyi sualdan yerində donub qaldı. Arxaya çevrilib, Elnarənin gözünün içinə baxaraq dedi: - Məni sevirsən?...
Elnarə bu sualı gözləyirmiş kimi sakit səslə dedi: - Yox. Ceyhun gülümsəyərək: - Mən də.- deyib, qapını açaraq çıxdı. Qapı örtüldüyü anda Elnarə sanki ayılın, onun arxasıyca getmək istədi. Əlini dəstəyə atdığı anda geri çəkib dayandı. Öz-özünə pıçıldadı: - Mən onu sevirəm?... Bu sualı özünə verdiyi ilk günü hələ də xatırlayırdı...

3 İL ƏVVƏL:

Elnarə əlinə verilmiş fotoya baxıb düşünməyə çalışırdı. Onun çarpayısına əyləşmiş orta yaşlı bir qadın bundan bezmiş kimi dilləndi: - Eliş nə fikirləşirsən ee? Ali savadlı oğlandı. Işi də var, yaraşığıdakı öz yerində. Başqa nə istəyirsən ee? Elnarə gözlərini şəkildə belə fikirli görünən Ceyhundan ayırmayıb dedi: - Xala mən onu yaxşı tanımıram axı... - Da nə tanıyasan? Kolleqasız ee siz. Eyni fikirli insanlarsız da. Bundan yaxşısı var? - Mən axı onu sevmirəm... Xalası gülümsəyərək ona daha da yaxınlaşıb, şəkli göstərərək dedi: - Sevmirsənsə bəs niyə gözünü ondan çəkə bilmirsən? Elnarə utanaraq başını aşağı salıb, öz-özünə pıçıldadı: - Mən onu sevirəm?...

Nilay qapının döyülməsinə diksindi. Artıq neçə saatdır o vəziyyətdə yerdə qaldığını xatırlamırdı belə. Güclə durub, keyiyən ayağını ovuşdurdu. Qapını açmağa gedərkən, divardakı aynaya gözü sataşıb dayandı. Üzündə bayaq axıtdığı göz yaşlarının izi aydın bilinirdi. əlini sərt bir şəkildə