g etməmisən sən?
- Dedim birdən başqası götürər da.
Ceyhun “ bu da bizim ali savadlı redaktorumuz. Qohumun oldu, beledi da”- deyə düşünüb, dedi:
- Mənəm Rasim. De sözünü.
- Ceyhun müdür sənə bir intervi tapşırıb.
Ceyhun yüngülcə gülümsəyib:
- Müsahibə demək istədin deyəsən və o intervyu olmalıdır məncə.
- Hə, elə ondan.
- Yaxşı, harada və kiminlə?
- O yeni şirkət var ee, onun prezidenti ilə, evində.
- Hansı şirkət?
- O Butanı deyirəmdəə. Arvadın adı yadımdan çıxıb.
- Xanımın Rasim, xanımın.
- Elə ondan. Adresi mesajla göndərəcəm.
- Rasim adı...
Ceyhun sözünü bitirməmiş, əlaqə kəsildi. Bir az sonra mesaj gəldi. Ceyhun, mesajı açıb, adresi oxuduqdan sonra sevinclə gülümsədi. indi istədiyi sualları verə biləcəkdi. Cəld yataq otağına keçib, paltarını dəyişdi. Lazım olan aparatları, dəftərcələri kiçik əl çantasına yerləşdirib, qapıya tərəf getdi. əlini dəstəyə aparıb, içəri səsləndi:
- Mən müsahibə götürməyə gedirəm.
Bir cavab eşitməyib, çölə çıxaraq qapını sərtcə örtdü.
Artıq getmək istədiyi yerə çatdığından, avtobusu dayandırım, çətinliklə də olsa endi.
Qarşısındakı binaya təəccüblə baxıb, mesajdakı adresi bir daha oxudu. Gözlədiyinin tam əksinə köhnə bir bina idi qarşısındakı. Təəccüblə çiynini çəkib, binaya girərək pilləkənlərlə 4-cü mərtəbəyə qalxdı. Qarşısındakı qapını astaca doyub, həyəcanla açılmasını gözlədi. Qapı açıldıqda 2 saat əvvəlki zərif qadını görməyi ümid edərkən, qarşısındakı adi ev geyimində, saçları dağınıq bir qadın dayanmışdı. Lakin eyni qadın idi.
Ceyhun gözlərini qaçırıb:
- Bağışlayın mən müsahibə üçün gəlmişdim, “*****” qəzetindən.
Qadın təəccüblə ona baxıb, dedi:
- Amma müsahibə sabah saat 1-də olmalı idi.
Ceyhun ürəyində “ sən ölməli adamsan Rasim” –deyə düşünüb, gülümsəyərək:
- Bağışlayın, mən sabah gələrəm- deyib getmək istəyirdi ki, qadın onu dayandırdı.
- Eyib etməz, bu gün olsun.
Artıq 10 dəqiqə idi ki Ceyhun qonaq otağındakı masaya əyləşib, evə baxırdı. Evdəki bütün əşyalar köhnə,