ə problemin var sənin?...
- O adamın arxasınca getdim. Mənə iş verəcəyini, yazığı gəldiyini demişdi. Öz maşını ilə apardığı yer isə bir ofisdən çox, xarabaya oxşayırdı. Sürücünün mənə aynadan baxmasından o qədər narahat olmuşdum ki, heç o baxışların mənası ola biləcəyini düşünməmişdim. 16 yaşım vardı, bu dünyadakı bütün kişilərə qalib gələ biləcəyimi düşünürdüm. Amma o xarabada 40 yaşlı bir əclafa qalib gələ bilmədim. Qollarımı möhkəm tutub, mənə istədiyini edirdi. Qışqırmağın, kömək istəməyin bir faydası ola biləcəyini düşünürdüm, amma yox idi. əksinə, o əclafın paltarlarımı cırmasını və o iyrənc dodaqlarını bədənimdə gəzdirməsini sürətləndirirdi. Mənimlə işi bitdiyində, heç nə olmamış kimi şalvarını yuxarı çəkib, getdi. Bitdiyini düşünürdüm, amma sonra da sürücü... Nilay sözünü bitirmədən yanındakı stula çökdü. Gözlərini boşluğa dikib, ifadəsiz bir şəkildə dayanmışdı. Eşitdiklərinin dəhşətindən çıxa bilməyən Ceyhun, ona bir az yaxınlaşıb, alçaq səslə dedi: - Və o adam sizi bu işə məcbur etdi? Nilay başını qaldırıb ona baxaraq, gülümsəyərək dedi: - Yox, bu mənim öz seçimim idi. - Necə? Nilay: - Bağışlayın, mənim vacib görüşüm var, bu qalsın başqa vaxta - deyib, eli ilə qapını göstərdi. Ceyhun başı ilə təsdiqləyib, qapıya tərəf gedirdi ki, birdən ayaq saxlayıb, Nilaya baxaraq dedi: - Bunları niyə mənə danışırsız? Nilay gülümsəyərək: - Çünki bunları əsla yayımlaya bilməzsiniz. Hər gün şirkətə gələnlərin neçəsi mənim köhnə müştərimdi bilirsiz? əvvəllər pulunu verib, mənimlə istədiyini edənlər, indi “Nilay xanım” deyərək əlimi öpürlər. Mən artıq çox güclüyəm və güclü qadınlar fahişə olmur, “xanım” olur. Ceyhun Nilayın haqlı olduğunu bildiyindən, başını yelləyib, evdən çıxdı. Ceyhun qapını örtdüyü anda Nilay ayağa qalxıb otağına keçdı. Çarpayının üstünə özünü atıb, tumbnın üstündəki telefonu götürüb zəng etdi. - Alo... Arzu mən bu gün gəlməyəcəm... bütün görüşləri ləğv et. Telefondakının cavabını belə gözləmədən zəngi sonlandırıb, arxası üstə uzandı. Tavandakı