n sən?! Nilay halını pozmadan, sakit səslə dedi: - Əriniz kimdi? - Hə, o qədər adamın varki tanımazsanda ərimi. - Ola bilər. - Danışığına bax. O gün az qala öldürdüyün ərimi deyirəm. Nilay onun Natiq bəydən danışdığını anlayıb, kreslosuna yayxanaraq gülümsəyib dedi: - Bir yerdə hər il sevişmə vaxtı 200-dən çox yaralanma hadisəsi olduğunu oxumuşdum. Demək belə bir şey imiş. Qadın hədəqəsindən çıxan gözlərlə Nilaya baxıb, xırıltılı səslə qışqırdı: - Sən əsil qəhbəsən hə?! Nilay kinayəli bir təbəssümlə qarşısında əsəbdən titrəyən qadına baxıb, özündən əmin səs tonu ilə dedi: - Hə. Qadının şoka girmiş kimi tərpənmədiyini görüb, ayağa qalxıb ona yaxınlaşaraq, gözlərinin içinə baxıb davam etdi: - Bir qəhbə, fahişə, küçə qadını və ya nə demək istəyirsənsə o. Yüzlərlə kişinin altından çıxan, yanından keçənlərin üzünə tüpürmək istədikləri, öz ailəsinin, nəslinin üz qarası, insanlığın ən aşağı səviyyəsi. Amma siz ailəli, namuslu, mötəbər xanım, ərinizin altına girmək istəmədiyi üçün onu yaralayan bir fahişənin ayağına gəlmisiz. Qadın bir addım geri çəkilib, hələ də ona gülümsəyərək baxan Nilaya təəccüblə baxdı. Güclə udqunub nə isə demək istəyirdi ki, Nilay onu qabaqladı: - Məni söyə bilərsiz, hətda vura belə bilərsiz, amma bu bir fahişənin ayağına gələcək qədər alçalmağınızı dəyişdirməz. Indi siz bir fahişəni belə zorlamağa çalışan birinin yatağına girən, onu yaralayan fahişənin həddini bildirməyə gələn “halal” arvadı, mən isə onun yatağına girməyə belə iyrənən fahişəsi. Hansımız daha namuslu, hansımız daha qürurlu?

Qadın Nilayın gözlərinə baxıb, tək kəlimə etmədən qapıya tərəf getdi. O qapıdan çıxar-çıxmaz, Nilay kreslosuna çökdü. Əlini boynunda gəzdirib, boğazında düyümlənən qəhərdən qurtulmağa çalışırdı. Bayaqdan güclə saxladığı yaşlar gözlərindən süzülərkən, o titrəyən dodaqları ilə durmadan pıçıldayırdı: - Mən günahkar deyiləm... bilmirsən... mən günahkar deyiləm...

1 İL SONRA: - Autizm düşünülənin əksinə əqli bir qüsür deyil, sadəcə genetik mutasiya