i kəmərlərindən aşağıdadı, bəs qadınlar? - Elnarə anlamışdı. Nilay qarşısındakı qadına təəccüblə baxıb: - Elnarə? Mənə vuran? O sıxıcı jurnalistin arvadı? Bu arada, o jurnalistin nəyini sevirsən axı Lamiyə. Lamiyə gözlərini yerə dikib: - Sevmirəm, sadəcə ona hər şeyi danışmaq olur. Nilay yenə kiçik bir qəhqəhə atıb, Lamiyənin gözlərinə baxaraq dedi: - Hər nəysə. Bitdi artıq, vaxtımız tamamdı. Bir daha bura gəlmə. - Gəlməyəcəm...

*****

Elnarə bayaqdan oturub düşünən Ceyhuna baxırdı.(müəllif: Cəmilə Məmmədli) Onun nəyi düşündüyünü təxmin edirdi, lakin bilmirmiş kimi davranmaq daha asan idi. Yənə əlindəki işə geri dönmək istəsə də, o məqaləsi ağlına gəldi. Onu yazanda nə qədər ağlamışdı. O tale, xüsusi ilə Məleykənin taleyi ağlatmışdı onu. Iradəsiz, cahil, zəif qadınların taleyi... o gündən daha qatı, daha soyuq olmuşdu. Amma hələ də anlamadığı bir şey vardı, ağılsız sandığı o qadınların düşündüyü nə idi. Axı nə?... - Sən yaxşısan? Elnarə yüngülcə diksinib, ona baxan Ceyhuna baxdı. Başı ilə “hə” işarəsi verib, dedi: - Yaxşıyam, sən? - Mən vacib deyiləm. Sənin vəziyyətin necədi? Bağışla maraqlanmadım heç. Elnarə kinayə ilə gülümsəyib: - Eybi yoxdu- deyə pıçıldadı. Ceyhun masanin kənarında stul çəkib, oturdu. Elnarəyə baxmadan gözlərini dvara dikib dedi: - Mən çox pis bir ərəm hə? - Əslində həyat yoldaşı demək daha doğru olardı. Amma həyat yoldaşı bu həyatda yoldaş olan, səninlə birlikdə addımlayan insanlara deyilir hə? Ceyhun başını “hə” mənasında yelləyərək dedi: - Düzdü. Amma mən səni hər dəfəsində tək qoyuram. Bağışla. - Eybi yox. Ikimizində səhvləri var. Ceyhun Elnarənin əlini tutub: - Amma mənimki daha çoxdu, bağışla-deyib Elnarənin gözlərinə baxdı. Onun utanıb, gözlərini qaçırdığını görəndə istər-istəməz gülümsədi...

BİR AY SONRA: - Məşhur iş adamı Natiq Rəcəbovun QİÇS virusuna yoluxduğu təsdiqləndi. Ailəsinin verdiyi məlumata görə o bu virusa xəstəxanada köçürülən qanlardan yolu... Qadın diktorun sözünü yarıda qoyb, televizor söndürdü. əli ilə