KƏPƏNƏKLƏR AZADDIR...
“ Butterfly are free” məşhur Brodvey müziklıdır. Kor Donun, hippi Jill ilə həyata bağlanmağa çalışmasını, lakin anasının sırf o kor olduğu üçün onu evdə bir ömür boyu qorumaq istəməsindən bəhs edir.
Filmi belə çəkilən müzikldən məşhur bir replika:

Jill: You are homoseksual? ( sən mavisən?)
Don: No. I am just blind! ( yox. Mən sadəcə koram)

Biz insanlar kəpənəklərə çox bənzəyirik. Eyni onlar kimi bir ömür başqalarının gözündə iyrənc, sürünən bir tırtıldan fərqimiz olmur. Amma həyatımızın bir anında insanları öz içimizdəki gözəlliklə valeh edə bilirik. Eynən yaz aylarında 1 günlük ömürlərini çiçəklərin arasında uçuşaraq bizi bizi özünə heyran edən kəpənəklər kimi... lakin bizim dünyamızda insanlar azad deyil, bir günlük belə olsa... Xüsusi ilə də qadınlar...

Bakı...
Məşhur bir otelin konfrans zalı...
Ceyhun əlindəki qeyd dəftərcəsini təlaşla silkələyərək, konferansın başlamasını gözləyirdi. Tez-tez saatına baxmasından çoxdan gözlədiyi hiss olunurdu. əsəbiliklə dodaqlarını çeynəyib, vaxtın keçməsi üçün gözlərini zalda gəzdirdi. Tam qarşısındakı uzun, üstündə 5-6 mikrofon qoyulmuş masanın arxasındakı loqo diqqəti tez cəlb edirdi. Qızılı hərflərlə yazılan “BUTA” və bu ada uyğun simvol. Ceyhun gözlərini loqoya dikib, “ Buta? Nə qədər də orginal. Daha diqqət çəkən bir ad seçə bilməzdilər? İndi xaricilər necə deyəcək buta? Şirkətin prezidentinin qadın olmasına təəccüblənmirəm artıq. Bu qədər mənasız adı ancaq bir qadın qoya bilərdi. Yəqin ölmüş ərinin pullarına açıb bu şirkəti. Bir də səhərdən gözləyirik, yəqin orginal sarışın olan xanımımız saç ustasından hələ indi çıxıb...”- Ceyhunu fikirlərindən alqış səsləri ayıltdı. ətrafına təəccüblə baxdıqda hər kəsin ayağa qalxdığını gördü. Qeyri-iradi olaraq ayağa qalxdıqda, bayaqdan gözlərini dikdiyi masanın arxasında bir qadının təbəssümlə baxdığını gördü.
Gözlədiyinin tam əksinə əsmər olan bu qadına heç 30 yaş vermək olmazdı. Bəstəboy, gənc bir qız kimi görünən bu qadının məsum