Qaçmayım neyləyim mən bu şəhərdən?
Burda nə haqq vardı, nə haqqdan deyən.
Görən aqibətin düşünür hərdən,
Hansısa haqlının haqqını yeyən?.
**********
Zülmkar insanın bilmirəm nədən,
Alınmır qabaqı, alınmır önü.
Allahın evini sökmək istəyən,
Nə cavab verəcək qiyamət günü?
**********
Yəqin ki, papaqı evində yatır.
İngilis dəbinə uyan kişinin.
Qeyrətdən deməyə hünəri çatır?
Hicaba qadağa qoyan kişinin.
**********
Elin aqsaqqalı dəhşətdi, dəhşət.
Hansısa şərəbxor, əli qədəhli.
Bu necə qövmdür, bu necə millət?
Belə olmamışdı heç Kufə əhli.
**********
Məscidlər söküldü, çıxmadı səsin.
İslam çox uzaqdır bizim vətəndən.
Dinin qeyrətini çəkməyən kəsin, Şəxsi qeyrətini soruşma məndən.
**********
Yenə də, şou-biznes tufan qoparır.
Bunlara şeytanın köməkliyi var.
Efirdə min cürə oyun çıxarır.
Abırsız kişilər, çılpaq qadınlar.
**********
Biədəb kinolar, gəldi bu elə.
Qeyrətli oğullar yaman sınıxdı.
Təzə özümüzü alırdıq ələ,
Toy olsun verlişi ortaya çıxdı.
**********
Qaz əti axtardım mən üzgün-üzgün.
Qazaxda qırdılar ümüd sapımı.
Mən qaz axtarıram qazlamaq üçün,
Qaz pulu yığanlar döyür qapımı.
**********
Oğlan var sevgidə Məcnundur əsil. Qıza balam deyir, demir ayıbdı.
Elə balam deyir, onu elə bil,
Doqquz ay qarnında bu daşayıbdı.
**********
Axırda biqeyrət çıxacayıqsa,
Tüpür bu millətin ləyaqətinə. Müsbət bir fikirlə baxacayıqsa,
Kişi ilə kişinin məhəbbətinə.
**********
Ölümlə sonluqu gəlmir əsərin.
Bunun kəfəni var, baş daşı da, var.
Yasına yığışan ac həriflərin, Ayranı, halvası, bozbaşı da, var.
**********
Yası biz toy kimi qeyd eləyirik.
Ehsan süfrəsində banan, ananas.
Ehsanı elə bir keyflə yeyirik.
Elə bil, mərhumdan alırıq qisas.
**********
Düzlüklə həyatın qurmayanları,
Görəndə ətraflı söhbət edirəm.
Komputer önündən durmayanları
Düzgünlük çatına dəvət edirəm.
**********
Çox şeyə göz yumduq biz bilə-bilə.
Yadlar yerimizə verərkən qərar.
Bayquş sifətlilər bilmirmiş hələ.
Qaranlıq şəhərin günəşi də,