orada insanlar var. İnsanlardan artıq diksinirəm. Mənim yerim ya səhralardı, ya da bax elə bu dənizin ortası. Dənizin ortasında addımlayan, ilk ruh mən olsam gərək… Təbiətdən başqa heç nə düşünmək istəmirəm. Dalğalar ləpə-ləpə, hər dalğanın içinə diqqətlə baxanda, balıqlar görsənir. Bir dalğa həddən artıq yüksəyə qalxır və yenidən dənizə qovuşur.Elə bil köpüklər dalğaların üzərində rəqs edirdi. Təbii ki, mən heç nə hiss etmədim. Mənim belə danışmağıma baxmayın. Yer üzündə nə gözəl bir şey görürəmsə, yadıma Bahar düşür. Dənizin kənarında olarkən, onunla xoş xatirəm olmuşdu və evə gələn kimi şer yazmışdım…
***
Bir səhər Bahar bildi ki, ayıbaşısı kəsilib. O test çubuqları ilə hamilə olduğunu öyrəndi. Mən sarsıldım, əri isə sevindi. Mən uzaqlaşdım onun evindən…
Ayın qarşısında çox oturdum fikirləşdim… Və qərara gəldim ki, bir daha Baharı
görməyəcəyəm. Bu yarama duz səpmək kimi bir şeydirsə, qoy olsun. Zatən hər şey acıdı mənim üçün. Sonuncu dəfə Baharı görməyə gedirəm və budur onun evindəyəm. İkisidə yatıblar, əri Bahara arxa tərəfdən sarılıb , Xülyanın üzü isə mən tərəfədir. Otağın pəncərəsindən ay işığı düz Baharın üzünə düşür. Mən ona yaxınlaşıram və əlimlə onun üzünü sığallayıram. O yatarkən hər gecə izləyirdim onu, ancaq bu qədər məsum şəkildə yatdığını heç vaxt görməmişdim. Çünki artıq onun bətnində ikinci bir ruh var. O iki can daşıyır və tez bir zamanda ana olacaq. Bəlkə bundan sonra əri ilə xoşbəxt olacaqlar. Allaha dua edəcəyəm ki, əri Bahara həmişə yaxşı ər və övladlarına yaxşı bir ata olsun. Çünki Bahar hər şeyin ən yaxşısına layiqdir. Zarafata həmişə deyirdim ki, sən mənə layiqsən, yəni hər şeyin ən yaxşısına…. Xe-xe-xe… Ümid edirəm ki, indi əri onun üçün ən yaxşıya çevrilər. Çünki o, övladlarının qəhrəmanına çevriləcək.
Baharım, canım, nurum, nəşəm, gülüm, gözəl gözlüm, nəfəsim, ruhum, fikirim, gözəl saçlım, qələm qaşlım, sevncim, ləzzətim, məclisim, işığım, məşəlim, xəzinəm, ən dəyərlim, sevgilim… Allah ikinizidə xoşbəxt etsin, böyük bir ailə