Qısqanclıq bir çox insanı narahat edən
hisslərdən biridir. Bu hiss bir insanı itirməmək,
başqa birinin sahib olduqlarını istəmək,
münasibəti bitirməmək üçün yaşanan qorxu
hissdir. Qısqanclıq hissi insanlarda anadan
olduğu gündən etibarən meydana gəlmir.
Əsasən şəxsin özünə inamı azalanda, özünü
yararsız kimi hiss etdiyində meydana çıxır.
Bu hiss xüsusilə ikili münasibətlərdə, evli və ya
birlikdə olan cütlərdə yaşanır. Çox vaxt üçüncü
şəxsin varlığı qısqanclığa səbəb olur. Qisqanclıq
hissi yarandığı vaxt sevgi çox vaxt yerini
şiddətə verir və böyük problemlərə səbəb olur.
Hal-hazırda evliliklərin sona çatmasında,
boşanma hallarının çoxalmasında səbəb kimi
məhz qısqanclıq hallarına daha çox rast gəlinir.
Şəxslər heç vaxt qısqandığını etiraf etməzlər.
Lakin bu hiss insanların varlığı qədər realdır və
insan var olduğu müddətcə də bu hiss olacaq.
Qadınlar və kişilərdə bu hiss müxtəlif cür
yaşanır. Qadınlar bu vəziyyətdə daha çox öz
haqlarından imtina edərək uyğun yol tapmağa
çalışarkən, kişilər şiddətə, hədə qorxuya, kobud
qüvvəyə əl atırlar.
Qısqanclıq qadın kişi münasibətlərində olduğu
kimi , yetkinlik dövründə yoldaşlar, uşaqlar, bacı
qardaş arasında da yaşanır.
Qısqanclıq hissini aradan qaldırmaq üçün şəxs
ilk öncə özünü dəyərsiz hiss etmə, təklik,
çarəsizlik kimi hisslərdən uzaq durmalıdır.
Əgər özünüzdə və ya yaxınlarınızda qeyd
olunan vəziyyət müşahidə olunursa dərhal
həkim psixiatra, yaxud da peşəkar psixoloqa
müraciət etməyinizi tövsiyə edirik.