Sevmək ? yaşana biləcək ən gözəl duyğudur deyiblər. Sevdiyini xoşbəxt edə bilməksə duyğuların ən möhtəşəmidir. Ancaq önəmli olan doğru zamanda, doğru məkanda və doğru insanı seçməkdir. Ürəyə söz keçirmək olurmu? Sevdiyimiz insanı seçmək öz əlimizdədir yoxsa çox vaxt ürəyin oyununamı alət oluruq?
Bəzən istəmədən belə olsa yanlış insanlara aşiq olur bu qəlb. Ən yaxın dostunun (rəfiqənin) sevdiyi bir insana belə... O an nə etməli? Hisslərini içində boğmaqmı yoxsa hərşeyi gözə alıb sevgini etirafmı etməli?
Dostunun sevdiyidir. Dostun ona baxarkən gözələrinin içi parıldayır. Sevgilisinə həyatını verə biləcək qədər aşiqdir. istəsə o an ala bilər qardaşım deyib eyni tikənı bölüşdüyü adamın canını.
Bir gün təsadüfən baş-başa qalarsınız, özünə baxarsan qıraqdan, dostunun ona baxdığı kimi baxırsan, onun gözlərində dostunu görə bilmə qorxusuyla tam olaraq baxmırsan gözlərinə. Başlarda qarşı tərəfi günahlandırarsan, amma dözə bilmədiyini görərsən. Hər səhər qalxan kimi dostunun əvəzinə sevgilisini axtararsan...
Gün gələr, artıq son sözləri əllər və dodaqlar söyləməlidir. Eşqini danışaraq izah edə bilməyəcəyini düşünüb bunu qurarsan xəyalında: Hər şey hazırdır, iki əl ayrı-ayrı alovlanır, o, duruxar baxışlarını aşağı dikər, sağ əlini buraxar, sol əliylə tutduğu əlinin üstünə vurar "görüşərik" deyər səssizcə, sən dodaqlarının nəmiylə izah etmək istəmisən, amma olmadı. Arxasını dönər, bir iki addım atar. Sən qışqırarsan "haqlısan dostumun sevdiyisən...".

Kaş ki bu qədər asan olsa... onu aylarla, illərlə unuda bilməzsən, ürəyinin bir kənarında ağılsız amma çox qiymətli bir eşq olaraq qalar...

Bəzi insanlar düşünür ki, eşq xüsusi bir duyğudur. Tutdunmu onu buraxmaq lazım deyil. O insan dostunuzun sevgilisi belə olsa - sizi sevirsə, bir-birinizi itirməməniz, eşqiniz üçün mübarizə aparmanız lazımdır..
Eşq dostluqdan daha üstün bir duyğudur və qarşısına belə bir səbəbdən ötəri keçilə bilməz.

Ancaq bəzi insanlar düşünür ki, həyatda şərəfli yaşamaq şərəfsiz yaşamaqdan