Ölüm bu dünyanın o üzündədi ,
Bu üzü dünyanın güldü , çiçəkdi .
Ölməzlik məhəbbət zirvəsindədi,
Məhəbbət əbədi ömür deməkdi.
Sızlama ürəyim, sən dözümlü ol ,
Bu dünya həm acı , həm də şirindi.
Bir gözlə sən ağla , bir gözünlə gül ,
Bu dünya əzabına dözənlərindi .
Hicranın yolları bitməz, tükənməz ,
Vüsal yollarına qar ələnibdir .
Ömrümü eşqinə qurban deyən kəs ,
Xəyanət əliylə güllələnibdir .
Göz yaşımı yar silə
Dəryada üzən canım , yarsız tək gəzən canım ,
Baş götürüb gedəcək hər şeydən bezən canım .
Könlüm açılıb - gülə , yar şadlana, yar gülə ,
Arabir ağlayardım , göz yaşımı yar silə.
Yarımın özü xəstə , eşq tərlanım qəfəsdə.
Bir “ hə” sözündən ötrü göz yolda .qulaq səsdə.
Kaş sənsiz tək qalmayam, eşq oduna yanmayam.
Səninlə birgə yatıb, yuxudan oyanmayam .
Qəlbim yanır günahsız , gecələr də çıraqsız ,
Dünya nura boyanar mənim olsa ALLAHsız.
Saçı dağ şəlaləsi , dodağı nar giləsi .
Həsrət ilə gözlərəm , yar yanıma gələsi .