Dön, qocaman dünyaya bax!!! Dünyadan
köçənlər sənə böyük ümidlərini əmanət qoyub.
Oxu və anlamaq üçün düşünə bildikcə düşün!
Ümmət və millət dərdlərindən ağrıya bildikcə
ağrı! Eyş-işarətlər, kef-damaqlar sənin üçün
deyil. Qoy sənin sevdiyin həzlər millət
dərdlərindən içini sızladan melodiya olsun!
Əzablarınla yaşa! Yüz dəfə, min dəfə
ağrımadıqca, bir dəfə toxtama! Qulaq ver,
əsrlərin imdad səslərinə, gümanlı haraylara!..
Eşidirsənmi, dinləyirsənmi tarixin qırx arşın
quyusundan gələn boğuntuları, xırıltıları?
Dağılan xanımanları, qovğun elləri, torpağa
gömülən on minləri, yüz minləri görürsənmi?
Bildiyim bilmədiyimin yanında bir damla...
Amma bilmək azdır, anlamaq fərzdir.
Qarşında bir-birindən sərt əngəllər, maneələr...
Bir deyil, yüz deyil. Amma ALLAH səninlədir,
yetməzmi “O”??? Bağrı suya cadar-cadar “ölü”
torpağa can verən səni ümidsiz və çarəsiz
qoyarmı??? Yüz dəfə şikayətlənməkdənsə bir dəfə
“Ya ALLAH!” kəlməsilə “O” na sarılmaq xilasın
ikən tərəddüdlərdən bezmədinmi? Tumurcuq
çəkib partlamasa, çiçək gülümsəyərmi heç?
Yumurtanı cücənin həyat eşqi parçalamırmı?
Peyğəmbərimizin (s.a.v): “Sülh istəyirsənsə,
müharibəyə hazır ol!” tövsiyəsini
unutduğundanmı ağlayırsan???
Vicdan həqiqətə güvənir. Ən böyük həqiqət isə
ALLAH özüdür. Sən də “O” na sarıl! Hədisi-
Şərifdə deyilir: “ALLAHın təqdir etdiyindən
çəkinmək fayda verməz, elə isə ey ALLAHın
qulları, dua edin, dua!
ALLAHım, Sənə və dualara etimadımı artır!
Səbəblərə riayəti də bir vəzifə şüuru olaraq
vicdanıma duyur!!!