- Nə edirsən?
- Görmürsən?
- Görürəm, amma başa düşə bilmirəm.
Əli başını qaldırıb, Elcana baxdı. biraz əsəbi tonda:
- Müdirin istədiyi maketi düzəldirəm daa – deyib, əli ilə qarşısındakı kartondan düzəldilmiş ev maketini göstərdi.
Elcan diqqətlə binadan çox, xarabalığa oxşayan maketə baxıb başını buladı.
- Bu mövzüda dahi deyiləm, amma məncə heç kim tualeti evin ortasında olan ev istəməz.
- Bu tualet deyil axmaq.
- Amma içində unitaz var?
- O beşikdi və bu otaq da, uşaq otağıdı!
Elcan çiyni çəkdi.

- Uşaq otaqları həmişə yataq otağının yanında olmur ki? Həm bu nədi? Elə bil evi tikiblər, sonra kanalizasiya xətti çəkmək üçün ortasından traktorla keçiblər. Atam bunu görsə sənin başında sındıracaq. Müştərilər gəlməmiş düzəlt bunu.
Əli biraz geri çəkilib maketini süzdü. Həqiqətən də bərbad görünürdü. O isə bundan razı qalmış kimi gülümsündü. Ciddi görkəm alıb:
- Yox, tam mənim ürəyim istəyən kimidir. Əmim bunu görəndə sevincdən havalara uçacaq!
- Sonra da təpəsi üstə yerə çaxılacaq. İntihar edirsən Əli...
Əli Elcanın sözünü ağzında qoyub çoxdan maketini də götürüb müdirin otağına getmişdi. Qapını döymədən otağa girdiyindən hər kəsin baxışları ona yönəldi. Rəşid bəy qəzəblə onu süzüb, içəridəki qonaqlara görə zorla gülümsədi.
- Hə, bu da biizm şirkətin onurğası Əli. Tərifləmək kimi çıxmasın bu işdə olduqca təcrübəli... – dedi – Adə bu nədi?!
Qonaqlar Rəşid bəyin çığırtısından diksinib bir-birlərinə baxdılar. Hələ Əlinin əlində tutduğu maket diqqətlərini çəkməmişdi. Rəşid kişi gözləri təəccüb qarışıq qəzəbdən geniş açılmış halda, əlini irəli uzadıb bir şeyə işarə etdiyini gördüklərində maketə baxmaq ağıllarına gəldi. Əslində kənardan oyuncaq evdən zərrə fərqlənməyən bu maketdə bir yanlışlıq görə bilmədilər. Birtək Rəşid bəy profesional olduğunda bunu görə bilirdi. Bu səssiz baxışmanı qapının döyülməsi pozdu. Rəşid kişi kreslosuna çöküb, "gir” dedi. Jalə əlində maketlə içəri girib qonaqlara gülümsədi. Gözləri Əlinin əlində tutduğu şeyə sataşdıqda isə