sonra Zəhranın (s.ə) üzünün rəngi dəyişdi. O gündən sonra Fatimə (s.ə) heç vaxt ac olmadı”.
İffət və hicab nümunəsi olan Həzrət Zəhra (s.ə) həyatının hər bir sahəsində hansı şəraitdə olursa-olsun, nəinki hicabını tərk etməmişdir, hər zaman bu mübarək simvolu təbliğ etmişdir. Çünki hicabın fəlsəfəsini dərk etmişdi və bunu insanlara da ötürmüşdü.
Bir çox əhli-təsənnün və Əhli-beyt (ə) alimləri yuxarıdakı ayələrə istinad edərək, hicabın hədlərini müəyyən etmişdilər. Bir neçə alimin bu haqda fikirlərinə nəzər salaq.
"Əl-fiqh əla məzahibil-xəmsə”də gəlir ki, İslam alimləri bu fikirdə müştərəkdirlər ki, qadın və kişi evdən bayırda geyindiyi geyimləri namaz vaxtı da geyinməlidir. Sonra deyilir: "Əhli-beyt (ə) alimlərinin əqidəsinə görə namaz vaxtı da bədənin elə hissələri örtülməlidir ki, naməhrəm yanında da örtülür”.
Əllamə Hilli buyurur: "Əhli-beyt (ə) alimlərinin nəzərinə görə, qadınların biləkdən aşağı əlləri də üzü kimi açıq qala bilər”.
Bəli, gözəllik və zəriflik mənbəyi olan qadın Allahın hikmətinı görə hicab geyinməli və öz gözəlliklərini nümayiş etdirməməlidir. Çünki onların gözəllikləri ancaq məhrəmləri üçündür. Naməhrəmlər onların bu keyfiyyətlərini görməməlidirlər. Əgər belə olmazsa, cəmiyyətdə fəsad baş verər ki, hamımız bunun şahidiyik. Hər bir yerdə qadını əhəmiyyətsiz və dəyərsiz bir alət kimi istifadə etmək istəyirlər.
Reklamların bir çoxunun bəziyi ancaq qadınlardır. Qadınlar nəzəri daha çox cəlb etdiyindən onlardan incəsənət sahəsinin demək olar ki, hər bir sahəsində bəhrələnirlər. Onu dəyərsizləşdirir və bu qiymətli gövhəri ucuz alətə çevirirlər. Halbuki, qadın nə qədər gizli olarsa, nə qədər örtülərsə bir o qədər çox onun dəyəri artar və cəmiyyətdə əsl yerini tapar.
Ey kaş, bunu bütün qadınlar dərk edə