Qadın - gözəllik, iffət və zəriflik mənbəyidir. Kişi isə bu gözəlliklərdən təsirlənən tərəfdir. Ona görə də İslam, qadınlar üçün hicabı iffət hesab etmiş və İslami dəyərləri qoruyan hər xanımın ona əməl etməsini vacib buyurmuşdur.
Allahın Rəsulu (s) Hüccətül-vidada olan zaman bir cavan qadın o Həzrətə (ə) sual vermək üçün gəlir. Fəzl ibni Abbas da Peyğəmbərin (s) yanında idi. Qadın sualını verir və Peyğəmbər (s) onun sualına cavab verən zaman hiss edir ki, bu ikisi bir-birinə baxır. Fəzl cavan, yaraşıqlı bir cavan idi. Peyğəmbər (s) əli ilə Fəzlin üzünü başqa istiqamətə çevirir və buyurur: "Cavan qadın və cavan kişinin nəzərlərindən qorxuram ki, şeytan gələr və onları yolundan azdırar”.
Qurani-Kərimin "Nur” surəsinin 31-ci ayəsində qadınların geyimi haqqında məlumat verilmiş və onların hicab bağlamaqları vacib buyurulmuşdur. Eyni zamanda "Əhzab” surəsinin 59-cu ayəsində də Peyğəmbər (s) xanımlarının timsalında bütün müsəlman qadınlarının hicab bağlamağı buyurulmuşdur.
Cabir ibni Abdullah nəql edir: "Peyğəmbərlə (s) bir yerdə idik və o Həzrət (s) qızı Fatimənin (s.ə) evinə getmək istədi. Qızının evinə çatanda mübarək əlləri ilə qapını itələyir və buyurur: "Əssəlamu Əleykum!”. Peyğəmbərin (s) sevimli qızı cavab verir: "Əleykə səlam, ya Rəsulallah!”. Bu zaman Peyğəmbər (s) evə girmək üçün icazə istəyib buyurur: "Mən və mənim yanımda olan evə girə bilərikmi?”. Bu zaman Fatimə (s.ə) buyurdu: "Atacan, başımda bir şey yoxdur”. Allahın Rəsulu (s) buyurdu: "Libasının əlavə hisəsi ilə başını ört”. Peyğəmbər (s) yenidən icazə alır və Fatimə (s.ə) soruşur: "Sizinlə kim gəlib?”. Həzrət Peyğəmbər (s) buyurur: "Cabir”. O zaman biz evə girdik. Cabir deyir: "Zəhranın (s.ə) üzü saralmışdı və Peyğəmbər (s) ondan soruşur: "Qızım, niyə beləsən?”. Zəhra (s.ə) deyir: "Aclıqdandır”. Peyğəmbər (s) dua edir: "Ey acları doyuzduran və məhsulları əmələ gətirən Allah! Muhəmmədin (s) qızı Fatiməni (s.ə) doyuzdur”. Cabir nəql edir ki, Peyğəmbərin (s) bu duası yerinə yetdi. Onun bu duasından