məşhur hədis alimi Təbərani də daxil olmaqla bir neçə alim Mədinədə Peyğəmbərin məzarını ziyarət edərkən aclıq hiss etmiş və o həzrətə təvəssül etmişdilər. Bu duanın sayəsində bir nəfər ələvi seyyid onlara yemək gətirmiş və aclıqlarını aradan qaldırmışdı. Özü də söyləmişdi ki, sizə yemək gətirməyi yuxuda mənə Peyğəmbər əmr edib (Səmhudi. Vəfaül-vəfa bi-əxbari daril-Mustafa, 4-cü cild, s.1380).

Dini mənbələrdə Peyğəmbərin məzar torpağından təbərrük niyyəti ilə götürmək halları haqqında da xeyli xəbərlər vardır. Hətta rəvayətə görə, Peyğəmbərin (s) vəfatından sonra məzarının üstündəki torpağı camaat təbərrük qəsdi ilə apardığından, ümmül-möminin Aişə məzarın ətrafına divar çəkdirmişdi. Divarın qapısı vardı və camaat həmin qapıdan keçib torpağı götürürdü. Ümmül-möminin Aişə həmin qapını da bağlamağı əmr etdi (Səmhudi. Vəfaül-vəfa bi-əxbari daril-Mustafa, 2-ci cild, s.544).

Hənbəli məzhəbinin banisi Əhməd ibn Hənbəl Həzrət Mühəmməd Peyğəmbərin (s) mübarək məzarına təbərrük məqsədi ilə əl sürtməyi, məzarı öpməyi caiz bilirdi. Onun oğlu Abdullah atasından rəvayət edirdi ki, “Allah Rəsulunun minbərinə əl sürtən, əl sürtmək və öpməklə təbərrük edən, Allahdan savab qazanmaq ümidi ilə o həzrətin məzarı ilə də bu cür rəftar edən (əl sürtüb öpən) adamın hərəkəti düzgündürmü?” sualına alim belə cavab vermişdi: “Bunun maneçiliyi (günahı) yoxdur” (yux. mənbə, 4-cü cild,