Şəhərlərin birində qadınların özləri üçün həyat yoldaşı ala biləcəyi mağaza açılmışdı.Mağazanın girişində onun işi ilə bağlı olan qaydalar var idi:1.Mağazaya ömrünüzdə cəmi bir dəfə gələ bilərsiniz.2.Mağaza 6 mərtəbədən ibarətdir:kişilərin keyfiyyəti mərtəbələrlə birlikdə artır.3.İstədiyiniz kişini seçə və ya daha yuxarı mərtəbəyə qalxa bilərsiniz.4.Bir mərtəbə aşağı düşmək qəti qadağandır.Bir qadın xeyli tərəddüddən sonra özünə həyat yoldaşı seçmək üçün mağazaya getməyi qərara aldı.Qaydalarla diqqətlə tanış olduqdan sonra içəri girdi və birinci mərtəbəyə göz gəzdirdi.Burada o,belə bir yazı gördü:”İşləyən kişilər”.O,gülümsəyərək burda çox ləngimədi və ikinci mərtəbəyə qalxdı.Buradakı yazı belə idi:”İşləyən və uşaqlarını sevən kişilər”.O, burada da çox qalmayıb yuxarı qalxdı.Üçuncü mərtəbədə belə deyilirdi:”İşləyən,uşaqlarını sevən və çox yaraşıqlı kişilər”.”Demək belələri də olur”,qadın fikirləşdi və dördüncü mərtəbəyə qalxdı.Dördüncü mərtəbədəki yazı belə idi:”İşləyən,uşaqlarını sevən, çox yaraşıqlı və ev işlərində kömək edən kişilər”.Qadın yuxarı qalxmağa davam etdi.Bu mərtəbədə qadın bu sözləri oxudu:”İşləyən,uşaqlarını sevən, çox yaraşıqlı, ev işlərində kömək edən və romantik kişilər”.Qadın bu mərtəbədə qalıb özünə həyat yoldaşı seçməyi çox istədi.Amma dayanmayıb sonuncu mərtəbəyə qalxdı.Burada o, belə bir yazı ilə qarşılaşdı:”Hörmətli 2816973 saylı müştəri,bu mərtəbədə kişi yoxdur.Bu mərtəbə yalnız siz qadınların istəklərinin sonu olmadığını sübut etmək üçündür.Mağazamıza gəldiyiniz üçün sizə təşəkkür edirik!”