1. Allahın qula olan qəzəbini aparar.
2. İnsanın xətalarını yuyar. Hədis: “Peyğəmbər sallallahu aleyhi vəssəlləm buyurur: Su odu söndürdüyü kimi sədəqlər də xətaları söndürür/yuyur/aparır.”
3. Cəhənnəm odundan qorunmaq üçün ən böyük səbəblərdəndir.
4. Qiyamət günü Allahın xəlq etdiyi kölgənin altında olacaqsan. Hədis: Qiyamət günü günəş yaxınlaşanda 7 nəfər Allahın xəlq etdiyi kölgənin altında olacaqdır. Onlardan biri də sağ əli verdiyini sol əli bilməyən şəxsdir.
5. Bədəndə olan xəstəliklərə qarşı ən böyük dərmandır. Hədis: “Peyğəmbər sallallahu aleyhi vəssəlləm buyurur: Xəstəliyinizi sədəqə ilə müalicə edin.”
6. Qəlb xəstəliklərinin dərmanıdır. Hədis: “Bir gün bir kişi gəlir peyğəmbər sallallahu aleyhi vəssəlləmin yanına və qəlbinin narahatlığından şikayət etdi. Peyğəmbər sallallahu aleyhi vəssəlləm ona dedi ki, əgər qəlbinin rahat olmasını istəyirsənsə onda miskinə yemək ver və yetimin başını sığalla.” Əhməd.
7. Başa gələ biləcək bəlaların qarşısının alınmasına səbəbdir.
8. Mələklər sədəqə verənə dua edir ki, ya Rabbi onun malını artır.
9. Mala bərəkət verir və çoxalmasına səbəb olur. 10. Xərclənən maldan ən çox verdiyi sədəqədən savab qalacaq. Qiyamət günü onun savabını görəcəksən. “Onların doğru yola gəlməsi sənə aid deyildir. Yalnız Allah istədiyi şəxsi doğru yola yönəldir. Xərclədiyiniz hər bir sədəqə özünüz üçündür. Siz onu ancaq Allahın Üzünü dilədiyinizə görə sərf edirsiniz. Malınızdan Allah yolunda nə xərcləsəniz, əvəzi sizə tam verilər və sizə zülm edilməz.” Bəqərə 272
11. Savabların artmasına böyük səbəbdir.