BƏLİ BAŞ ÜSTƏ Bel dikəlmir, daim təzim
halında,
Bəli-bəli, oldu rəis, baş üstə.
Yaltaqlığın hər növü var
qanında,
Bəli-bəli, oldu rəis, baş üstə. Gönü qalın, vicdan yalın,
neyləsin?
Sümük payın at ağzına
çeynəsin.
Təki rəis köpək kimi
bəsləsin, Bəli-bəli, oldu rəis, baş üstə. Quyruq bular, bəzən hürər it
kimi,
Məqam düşsə qanın sorar bit
kimi.
Bol-bol öpüş, saxta gülüş, şit
kimi Bəli-bəli, oldu rəis, baş üstə. Fağır ilan dönüb olur əjdaha,
Döysə qapısını fəqir-füqara.
Unudub tərzini, əyri qəddini,
Boğular, söyləməz, oldu, baş
üstə.