Göz yaşlarının gözəlliyə də faydası varmış.Normal halda insan dünyaya göz açandan son günlərinə qədər ağlayır. Psixoloqların bildirdiyinə görə, göz yaşları müxtəlif səbəblərdən yaranır. Orqanizm üçün ən xeyirlisi isə güclü emosiyaların təsirindən axan göz yaşlarıdır. Bu cür göz yaşları insanı rahatladır, stressə davamlı edir və ömrü uzadır.Göz yaşları gözün yuyulması və təmizlənməsi üçün çox vacibdir. Belə ki, göz qişası çox həssas olur və əgər göz yaşarmasa, o, tezliklə quruya bilər. Çox vaxt da kompüter qarşısında uzun müddət keçirən insanların gözlərində quruluq müşahidə olunur. Bu quruluq özünü elə göstərir ki, sanki gözün içində nəsə qalıb. Ona görə də bu cür narahatlıqla üzləşən adamlara gözlərini tez-tez yumaq məsləhətdir. Lakin bəzilərinə bu kömək etmir. Quruluğun qarşısını almaq üçünsə onlara süni göz yaşlarından istifadə etmək lazımdır. Qeyd edək ki, göz yaşı əsas olaraq su və duzdan meydana gəlir və göz üzərimizin sürüşkən qalmasını təmin edir. Göz yaşı orta hesabla gündəlik 150-300 qrama qədər ifraz olunur. Və bir müddət sonra burun boşluğuna axır.Psixoloq Arzu Qurbanovanın sözlərinə görə, refleks və emosional göz yaşları olur. Refleks göz yaşları gözü qorumaq məqsədilə ifraz olunan göz yaşlarıdır. "Refleks göz yaşları soğan doğradıqda, gözə toz düşdükdə gözlərimizin yaşarması nəticəsində ortaya çıxır. Refleks gözyaşları ifraz olunanda, bu, ağlamaq kimi hesab olunmur. Əslində isə insan güclü emosiyaların təsirindən ağlayır. Məhz bu cür göz yaşları sağlamlıq üçün olduqca vacibdir".A.Qurbanova qeyd edib ki, bəzi insanlar əhvalını pozmamaq və şüuraltı olaraq öz zəifliyini qəbul etməmək üçün ağlamaqdan çəkinirlər. Bu isə olduqca ziyandır. Onun sözlərinə görə, ağlamağı saxlayan insan daha əsəbi olur və belələri arasında psixi xəstəliklərdən əziyyət çəkənlər də çoxdur. Bəzi insanlar isə ağlamaq istəsələr də, bunu edə bilmirlər. Bu isə ona görə baş verir ki, uşaqlara həyatının ilk illərindən ağlamaq qadağan olunur. "Xüsusilə də oğlanların ağlamağı zəiflik və