Adam var ayağın qoyub doyüşdə,
O, vətən sağ olsun deyib dönüşdə
İndi zülüm çəkir yoxuş enişdə,
Niyə halımıza şükür etmirik biz?

Adam var dili yox qulağı kardır.
Əzəldən danışmaq arzusu vardır.
Ona bu səssizlik daimi yardır.
Niyə halımıza şükür etmirik biz?

Qaranlıq zülmətdə sonsuz bir hüzün
Qoy onun yerinə hərdən sən özün.
Təsəvvur eyləki görmüyür gözün
Niyə halimıza şükür etmirik biz?

Yaşam ölüm ilə bir qanun ahəng
Qırmızı qan rengin tam olur ağ rəng
Çoxunun qanında tapılır xərçəng
Niyə halımıza şükür etmirik biz?

İlk sözün off deyən uşaqda çoxdu
Anasız üşüyən uşaqda çoxdu
Atasız böyüyən uşaqda çoxdu
Niyə halımıza şükür etmirik biz?

Bir parça çörəyə möhtac olan var
Evləri məcburi hərrac olan var
Dilənməyə məcbur cox ac olan var
Niyə halımıza şükür etmirik biz?