170 vərəqli gündəlik uşaqlıq xatirələri, xəstəliklə mübarizə, Dieqo Riveraya olan istirablı sevgisi, incəsənət və siyasət barəsində yazılardan ibarətdir. Burada həmçinin, onun sulu boyayla çəkdiyi rəsmlər, gələcək əsərləri olacaq eskizlər, avtoportretlər və s. kimi rəsmləri də vardır.
Frida öz gündəliyinə bu sözlərlə yekun vurmuşdur: “İnanıram ki, bu sonluq mənə sevinc gətirəcək – və ümidvaram, mən bir daha geri dönməyəcəm – Frida.”
Fridanın külü onun Dieqo ilə yaşadığı “Mavi ev”indəki pre-Columbian urnada saxlanılır.
Frida Kahlonun “Mavi ev”i
Coyoacán (Koyoakan) Meksikanın paytaxtı Mexiko şəhərində kiçik bir ərazidir. Paytaxta gələn turistlər “şəhərin içində bir şəhər” kimi adlandırılan bu gözəl ərazini mutləq görməyə gəlirlər. Coyoacán-ın üzərində ötən yüzilliklərin ab-havası hələ də qalmaqdadır – dar küçələr, banan palmaları üstündə qaçışan dələlər, çiçəklə dolu həyətlər, baxçaların içində sanki, gizlənirmiş kimi yastı bacalı kiçik evlər…
Burada – Coyoacán’ın mərkəzində Londres küçəsi 247 ünvanında yerləşən “Mavi ev” 1904-cü ildən etibarən Kahlo ailəsinə məxsus idi. Frida məhz bu – hündür pəncərələri olan, göy rəngə boyanmış mavi evdə dünyaya göz açmış və ömrünün yarıdan çox hissəsini bu divarlar arasında keçirmişdi.
Vəfatından bir müddət sonra, Dieqo Rivera Fridanın evini muzey edilməsi məqsədi ilə Meksika hökumətinə təhvil verir. 1957-ci ildə Dieqo vəfat edir və 1958-ci il, İluyun 12-də “Frida Kahlo Muzeyi”nin rəsmi şəkildə açılışı olur.
Bu ev öz-özlüyündə bir incəsənət əsəri kimi hesab olunur və ekstravaqant sahibəsinin yaratdığı özünəməxsus mühiti hələ də qoruyub saxlayır. Evdə hər bir əşya bir məna kəsb edir.. Sahibəsinin xarakterini əks etdirir. Muzeydə, şüşə şkafın içərisində Fridanın parlaq milli geyimlərinin kolleksiyası saxlanılır. Həyətin divarında isə belə bir yazı var: “Frida Kahlo və onun həyat yoldaşı Dieqo Rivera 1924-cü ildən 1954-cü ilə qədər bu evdə yaşayıblar”, lakin bu həqiqətə əsaslanmayan bir yazıdır, çünki onların çox mürəkkəb