–Frida Kahlo.
Frida Kahlo de Rivera (6 İyun, 1907 – 13 İyul, 1954; Magdalena Carmen Frieda Kahlo y Calderón) Meksikalı rəssam Coyoacán-da (Meksika) anadan olmuşdur. Fridanın atası fotoqraf – almaniyalı yəhudi, anası isə hind mənşəli ispaniyalı qadın idi. Uşaqlığının erkən çağlarında – 6 yaşında ikən, Frida poliomelit xəstəliyi keçirir ki, bu da onun sağ ayağının sol ayağına nisbətən qısa və nazik olması ilə nəticələnir. Frida bu qüsurlu xəstəliyi ilə mübarizə aparmağa çalışır: o, çoxlu üzür, oğlanlarla futbol oynayır və hətta boks ilə də məşğul olur. Onun səylə göstərdiyi bütün bu cəhdlər hədər gedir və o, ömür boyu axsaq qalır. Nəticə etibarı ilə, bu cəhdlər onun xarakterinin zərif bir qadın xarakteri kimi formalaşmasına mane olur.
Fiziki qüsurunu gizlətmək üçün, Frida şalvar geyinməyə başlayır.
Frida Kahlo rəssam olmaq haqqında düşünmür, onun belə bir planı yoxdur. 15 yaşında, tibb sahəsində təhsil almaq üçün, o, Milli Hazırlıq Məktəbinə daxil olur. Bu məktəbin iki min şagirdindən yalnız otuz beşi qızlardan ibarət idi. O vaxtlar, tibb məktəbində qızların təhsil alması çox nadir hallarda müşahidə olunurdu. Həmin illərdə, Frida təhsil aldığı məktəbdə fəal və eyni zamanda da çılğın, dəcəl bir şagird olaraq tanınır. Məhz burada, Frida gələcək həyat yoldaşı, tanınmış Meksika rəssamı Dieqo Rivera (Dieqo Maria de la Konsepson Xyan Nepomuseno Estanislao de la Rivera-i-Barrentos de Akosta-i-Rodriqes) ilə tanış olur. 1921-ci ildən 1923-cü ilə qədər Dieqo Rivera bu məktəbdə “Yaradılış” adlı rəsm üzərində çalışırdı. Frida burada, Dieqonun işini saatlarla müşahidə edir… O artıq Dieqo Riveraya aşıq olmuşdur, lakin o, bunu hamıdan gizləyir. Dieqo Fridadan 21 yaş böyük idi.
Tale Fridaya yeni “qara sürprpriz” hazırlayırdı. 17 Sentyabr, 1925-ci ildə, 18 yaşlı Frida ağır avtomobil qəzasına uğrayır. Qəza zamanı, arxası üstə yerə yıxılmış gənc Fridanın qarın nahiyəsinin üstünə zərblə tramvayın bir hissəsi düşür… Nəticədə o, onurğa sütununun üç yerindən sınması, çiyin və çanaq