anımda başqası, ürəyimdə sən.
Xoşbəxtlik nədir ki? Bilmirəm, gülüm
De, necə düşməsin saçlarıma dən.
- Yanımda başqası,ürəyimdə sən.



Gözüm ona baxır, ürəyim sənə,
Beləcə satıram mən günü- günə.
Çox yaman dolmuşam bu gün də yenə,
Başımın üstünü tutub duman, çən.
- Yanımda başqası, ürəyimdə sən.



Onu çağıranda adın hallanır,
Dilim alov alır, ağzımda yanır.
Vüsalın özünü məzarda sanır,
Hətta özümlə də bacarmıram mən.
- Yanımda başqası, ürəyimdə sən.