Ey dost, varlığın üçün çox da öyünmə
Verdiyini əlindən alandı Dünya.
O tərəf, bu tərəf çox da döyünmə
Onsuz da yalandı, yalandı Dünya.
☆ ☆ ☆☆
Üzüm heç gülmədi zalım fələkdən,
Başım açılmadı hiylə kələkdən?
Özü də əlimnən bilərəkdən,
Sevgimi alandı, alandı Dünya
☆☆☆☆☆
Vüsalam, boşuna şeir yazmadım ,
Həmişə düz getdim yolumu azmadım,
Dostuma heç vaxtı quyu qazmadım,
Dostuma quyunu qazandı Dünya.